Европа
(Видео) Млади Етиопјани чекаат пред руската амбасада, наводно сакаат да се борат против Украина
Пред руската амбасада во главниот град Адис Абеба се собираат голем број млади Етиопјани, а се шират информации дека Русите регрутираат војници за војната во Украина. Многу Етиопјани се видени како во амбасадата носат лични документи.
Млад човек кој чекал на влезот, за Би-би-си изјавил дека бара добра плата како војник или да добие друга работа. Русија, сепак, ги негира информациите, а властите велат дека регрутирање во Етиопија не е во тек, односно дека многумина едноставно покажуваат солидарност кон Русија.
Dozens of young men have gathered in front of #Russia Embassy in #Ethiopia capital Addis Ababa for a 2nd day after rumours circulated that soldiers are being recruited to take part in the war in #Ukraine
But embassy’s spokesperson Maria Chernukhina says there’s no recruitment. pic.twitter.com/c7akDcmz4x— Roncliffe Odit (@RoncliffeOdit) April 19, 2022
„Многумина изразуваат поддршка за Русија, а некои од нив се подготвени да помогнат на кој било начин. Сепак, ние не регрутираме“, рече Марија Чернукнина, портпаролка на тамошната амбасада. Амбасадата за ситуацијата објави и на „Твитер“.
❗❗❗Statement by the Embassy of the Russian Federation in the Federal Democratic Republic of Ethiopia❗❗❗ pic.twitter.com/GwQ4LjmYW3
— Russia in Ethiopia (@RusEmbEthiopia) April 19, 2022
„Информираме дека амбасадата не прифаќа никакви барања за прием во вооружените сили на Руската Федерација“, се вели во соопштението, во кое тие се заблагодаруваат на Етиопија за поддршката на Русија за време на гласањето во ОН.
За потсетување, Етиопија беше меѓу земјите кои не гласаа за резолуцијата за руската инвазија на Украина, а 17 африкански земји беа воздржани од гласање, вклучително и Јужноафриканската Република.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.
Европа
Нова корупциска афера во Украина, осомничен министер за земјоделство
Украинската антикорупциска полиција го именуваше министерот за земјоделство Микола Солски како осомничен во кривичната истрага за незаконско стекнување на државно земјиште во вредност од седум милиони долари.
Солски, кој го надгледува производството на жито во Украина за време на војната од март 2022 година, рече дека не разбира зошто сега се појавија наводите поврзани со настаните од 2017 и 2018 година.
„Не се согласувам со обвинувањата“, им рече тој на новинарите во Киев откако Украинското национално биро за борба против корупцијата објави соопштение со резултатите од истрагата.
Канцеларијата соопшти дека министерот го предводел планот за стекнување на државно земјиште во вредност од околу 6,9 милиони евра и обид да се стекне земјиште во вредност од 190 милиони гривни.
Солски е првиот министер во владата на претседателот Володимир Зеленски кој е осомничен во корупциски скандал.
Зеленски се обидува да спроведе стапка на нулта толеранција за корупција, а минатата година го отпушти министерот за одбрана поради обвинувања за примање мито поврзани со одбранбената индустрија.
Законодавците изминативе денови порачаа дека очекуваат реконструкција на Владата, секако до крајот на пролетта.