Свет
(Видео) Најмалку 18 загинати во поплави и лизгање земјиште во Бразил
Најмалку 18 луѓе загинаа во лизгање на земјиштето и во поплави кога бранот обилни дождови стигна до планинскиот регион на државата Рио де Жанеиро во Бразил.
Надлежните стравуваат дека бројот на жртви може да биде уште поголем, а спасувачите од утрово интервенираат и ги проверуваат загрозените подрачја.
#Brasil. Bomberos trabajan en rescatar personas. Al menos 23 muertos en Petropolis, Río de Janeiro. Las imágenes me recuerdan a la tragedia de Vargas por la fuerza del agua que arrastra todo a su paso. https://t.co/WjuLLB2XDL
— Tamara Suju (@TAMARA_SUJU) February 16, 2022
Државната противпожарна служба доцна синоќа соопшти дека повеќе од 180 војници веќе оперираат во погодениот регион Петрополис, каде што стотици луѓе загинаа по катастрофалните поплави во 2011 година, пренесува АП.
Пожарникарите соопштија дека во областа Петрополис вчера наврнале 25,8 сантиметри дожд за три часа – речиси исто како и претходните 30 дена.
#Petropolispedesocorro #Petropolis #Brasil https://t.co/U8lVepXju6
— Arturo Valderrama (@ArturValderrama) February 16, 2022
Снимките објавени на социјалните мрежи покажуваат како автомобили и куќи исчезнуваат во лизгање на земјиштето и во водата што се врти, како и порои што минуваат низ градот Петрополис и соседните окрузи.
People fight for their lives as they are swept away by heavy rains in #Petropolis – #Brasil #Brazil #mostliked #Brazil #rain #chuva #Enchente #Rio #Floods #ClimateCrisis #ClimateEmergency #BRASIL #RioDeJaneiro pic.twitter.com/FxBjn9s6cF
— Chaudhary Parvez (@ChaudharyParvez) February 16, 2022
Бразилскиот претседател Жаир Болсонаро, кој се наоѓа во Русија, на „Твитер“ напиша дека им наложил на своите министри веднаш да им дадат поддршка на луѓето во погодените области.
„Господ да ги утеши семејствата на жртвите“, рече Болсонаро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Две девојчиња повредени со нож во близина на училиште во Франција, напаѓачот е приведен
Две девојчиња на возраст од 6 и 11 години се полесно повредени со нож во близина на нивното училиште во Софелвејерсхајм, источна Франција, соопштија властите.
Според жандармеријата, 11-годишно девојче било повредено со нож пред училиштето, а друго е избодено на блискиот плоштад. Имаат површни рани и се хоспитализирани.
Напаѓачот бил приведен нешто по 14 часот и 15 минути на плоштадот. Тој веќе немал нож во раката и не пружал отпор.
„Човекот не е познат на службите и се чини дека неговите мотиви не биле поврзани со радикализација“, соопшти жандармеријата.
Децата биле задржани на училиште. Родителите ги чекале пред училиштето каде се распоредени неколку противпожарни возила.
„Навистина се плашам. Ни рекоа дека децата се безбедни внатре, но не знаеме кога ќе можеме да ги земеме“, рече Сара, една од мајките чие дете е на училиште.
Свет
Патник загина на летот на Рајанер над Италија, со него била и неговата бремена сопруга
Вчера, 33-годишен маж загина на летот на Рајанер над Италија додека неговата бремена сопруга седела во вториот, заден дел од авионот. Според италијанските медиуми, мажот починал од срцев удар.
Откако вчера наутро му се слошило на летот од Торино до Ламеција Терме, двајца патници обучени за давање медицинска помош се обиделе да го спасат, а персоналот на авионот бил принуден да влезе со дефибрилатор, пишува LaStampa. Авионот се вратил во Торино 30 минути по полетувањето, влетале лекарите, но на лице место била констатирана смрт на човекот.
Неговата сопруга дознала за неговата смрт дури откако авионот се вратил во Торино бидејќи седела далеку од него во задниот дел од авионот. Локалните медиуми јавуваат дека таа била однесена во блиската болница Сирие во состојба на шок.
По трагедијата, имаше тврдења дека спасувачките екипи доцнеле на аеродромот. Сепак, овие тврдења се отфрлени, а локалната здравствена власт соопшти дека биле подготвени да пружат помош веднаш по слетувањето на авионот.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.