Свет
(Видео) На комбето што експлодира во Нешвил бил поставен разглас кој одбројувал до детонацијата
Американската јавност сè уште е шокирана од експлозијата што се случи денеска, на Божиќ, во Нешвил, главниот град на сојузната држава Тенеси, јавуваат локалните медиуми.
Според тековните информации, најмалку три лица се повредени, а наводно еден од полицајците привремено го изгубил слухот поради детонацијата. Полицијата соопшти дека очигледно станува збор за намерен чин, а градоначалникот на Нешвил, Џон Купер, рече дека местото изгледа како да експлодирала бомба.
Портпаролот на полициската управа, Дон Арон, на утринската прес-конференција изјави дека по пријава за сомнително возило, службениците од Одделот за експлозиви биле испратени во центарот на градот, а набргу потоа, околу 6:30 часот наутро, дошло до силна експлозија поврзана со тоа возило.
Засега не е познато кога сомнителното комбе дошло на Втората авенија во централното подрачје на Нешвил, но се знае дека не било таму синоќа пред 23 часот.
„Веруваме дека експлозијата е намерно предизвикана“, рече Арон.
Според американските медиуми, жена сведок на настанот тврди дека слушнала снимена порака емитувана преку разглас, која ги предупредувала луѓето да се евакуираат, пренесува „Њуз ченел 5“.
„Како да слушнавме пет до шест пукања, мислевме дека не е ништо. По 5 минути повторно ги слушнавме, па повикав полиција. Слегов долу и го видов комбето и слушнав снимка: ‘Во ова возило има бомба, евакуирајте се’“, изјавила жената.
Според нејзините тврдења, по некое време снимената порака се променила, па на граѓаните им било порачано дека имаат 15 минути за да се евакуираат.
„Не успеав да видам дали има некој во комбето, но слушнавме снимена порака ‘Евакуирајте се, во овој автомобил има бомба’. Последното одбројување што го слушнавме беше кога беше соопштено дека ќе експлодира за осум минути, потоа си заминавме“, рекла жената сведок на настанот и додавајќи дека само виделе што се случило подоцна.
Во меѓувреме, претставници на полицијата, ФБИ и пожарникарите се обратиле пред новинарите на самото место, потврдувајќи дека на комбето бил поставен звучник, кој емитувал одбројување.
Органите на редот потврдија дека возилото потоа експлодирало, уверувајќи ја јавноста дека наскоро ќе има одговори што точно се случило.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.