Свет
(Видео) Немири и судири со полицијата во Јафа по нападот на рабин на улица
Израелската полиција распореди коњаница и користеше шок-бомби за да ги растера демонстрантите во градот Јафа, во близина на Тел Авив, каде што еден рабин беше претепан од локалното население при извидувањето за ново место за јашивата, верско училиште што го управува, пренесуваат агенциите.
Интервентната полиција испукала шок-бомби за да ја растера толпата, која палеше контејнери за ѓубре и ги кршеше прозорците на паркираните возила.
Полицајци на коњи патролираа по улиците каде што демонстрантите се обидуваа да подигнат импровизирани барикади и подоцна ги запалија.
יפו כרגע היא זירת קרב. המון רימוני הלם נזרקו פה לעבר המפגינים שירו מוקדם יותר זיקוקים לעבר השוטרים. המשטרה רצה בישור קו לאורך רחוב יפת כדי לפנות את המפגינים pic.twitter.com/gUqGtnkQ82
— Bar Peleg (@bar_peleg) April 18, 2021
Протести избија кратко откако рабинот Елијаху Мали, раководител на јешивата „Моше Хесдер“, бил нападнат среде бел ден на улица во мешаниот еврејско-арапски град во непосредна близина на Тел Авив. На социјалните мрежи кружи наводна фотографија од нападот, на која се гледа како маж го клоца рабинот додека друг маж агресивно ја крева тупаницата.
Yafa'da Haham Eliyahu Mali ve yeshiva'nın yöneticisi Moshe Shandovitz saldırıya uğradı. İki şüpheli tutuklandı. Sonra olaylar patladı.. Hala gerginlik sürüyor.. https://t.co/UjgH73hEU3 pic.twitter.com/LLaqR4o3nr
— Ejder diyorlar.. (@BilgiselArsiv) April 18, 2021
Според израелските медиуми, Мали и неговиот соработник биле во потрага по зграда во која би ја сместиле јешивата. Тие, наводно, влегле во една зграда за да го видат имотот, но потоа биле опкружени со непријателски настроени арапски жители кои почнале да викаат и им наредиле да заминат.
„Во тој момент Мали беше претепан. На рабинот не му била потребна хоспитализација поради повредите, објави „Тајмс оф Израел“.
האירוע נמשך ולא נרגע. אחת לכמה זמן נפתחת זירה חדשה באזור הצומת של הבעל שם טוב ויפת. בינתיים ראיתי עצור אחד ויש כאן אדם אחד על הרצפה שנזקק לטיפול רפואי pic.twitter.com/0VJK2BvaE0
— Bar Peleg (@bar_peleg) April 18, 2021
Весникот „Хаарец“ ја цитира полицијата велејќи дека две лица на возраст од околу 30 години биле уапсени во врска со нападот. Тие се потстанари во станови во зградата каде што бил нападнат рабинот.
Израелскиот премиер Бенјамин Нетанјаху го осуди насилството врз рабинот и ѝ се заблагодари на полицијата која брзо ги приведе осомничените. Лидерот на десничарскиот блок Јамина, Нафтали Бенет го нарече нападот национална срамота.
Арапската заедница на Јафа одржа контрапротест, извикувајќи „Доселеници надвор“, бидејќи некои локални жители сметаат дека разговорите за продажба на зградата на сопственикот на јешива се обид да се избркаат Палестинците, пишува „Хаарец“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Европскиот парламент одобри визна либерализација за Србите од Косово
Европскиот парламент денеска одобри визна либерализација за имателите на српски пасоши од Косово, кои ги издава Координативната управа на Србија, на предлог на европратеникот и известувач за укинување на тие визи, Матјаж Немец.
За извештајот на Немец, гласале 406 од 597 европратеници, 97 биле против, а 94 биле воздржани.
По гласањето во ЕП, последниот збор за овој предлог треба да го дадат министрите на Советот на ЕУ.
Претходно овој месец, амбасадорите на земјите-членки на ЕУ се согласија со предлогот на ЕП и Советот на ЕУ за измена на регулативата за иматели на српски пасоши издадена од Координативната управа на Србија, со која се доделува визна либерализација на носителите на овие пасоши, пишува српската новинска агенција „Танјуг“.
Претходно, Комитетот за граѓански слободи, правда и внатрешни работи на ЕП на 9 април го усвои нацрт-извештајот за визна либерализација.
Целиот Западен Балкан ќе има ист визен режим за патување во ЕУ
Оваа одлука гарантира целиот регион на Западен Балкан да има ист визен режим за патување во ЕУ, објави тогаш ЕП.
Постои можност одлуката за визна либерализација за имателите на српски пасоши во Косово да почне да се применува до почетокот на летото.
Србите од Косово се единствените од Балканот на кои им е потребна виза за ЕУ
Србите од Косово и Метохија, кои поседуваат пасоши издадени од Координативната управа, која функционира во рамките на Министерството за внатрешни работи на Србија, се единствените на кои им е потребна виза за влез во земјите на ЕУ откако од 1 јануари годинава, беа укинати визите за граѓаните на Косово.
Во ноември 2023 година, Европската комисија предложи да почне постапка за вклучување на граѓаните на Косово, кои имаат пасоши издадени од Координативната управа на Србија, преку визна либерализација.
Свет
(Видео) Драматична снимка од спасување во Минесота, маж беше заглавен во запален автомобил
Група луѓе успеале да скршат запален автомобил и да спасат маж заробен во возилото, а драматичниот момент на спасувањето во Минесота беше снимен.
На видеото се гледа група луѓе околу автомобил зафатен од пламен. Тие очајнички се обидуваат да ја отворат вратата пред некој да го скрши прозорецот на возачот и потоа да го повлече на безбедно.
Инцидентот се случил минатиот четврток околу 18.30 часот.
Властите соопштија дека „хондата“ скршнала надесно и удрила во столб за осветление, а потоа и во заштитна ограда пред да се запали, создавајќи чад и голем пожар.
Возачот потоа бил пренесен во болница, но не добил сериозни повреди.
Европа
Евакуиран хотел во Рим поради отровни испарувања од базенот: пет лица отруени, затворени и околните улици
Најмалку пет лица се повредени во хотел во центарот на Рим кога дошло до испуштање штетни испарувања од базенот. Наредена е итна евакуација на сите присутни гости и вработени.
Според италијанските медиуми, повредените се во болница, а едно лице е во многу тешка состојба.
Повредени се вработените во хотелот, а најмалку 35 лица се евакуирани.
Во моментот кога алармот се вклучил, во хотелот имало само неколку туристи, кои биле на појадок.
Отровни испарувања доаѓале од бањата и велнес-центарот на долниот кат од хотелот, а се сомневаат дека се од базенот.
Полицијата го обезбедувала и просторот во непосредна близина на хотелот, а поради отровните испарувања, биле затворени околните улици.