Свет
(Видео) Норвешки рибари пронајдоа бел кит „руски шпион”
Пред неколку дена до рибарите во северниот дел на Норвешка доплива кит белуга, на којшто забележаа еден вид појас за кој се сомневаат дека потекнува од руската војска, според медиумите.
Професорот на норвешкиот Арктички универзитет во Тромзо, Аудун Рикардсен, е убеден дека појасот на китот е ставен со човечки раце, но не му е познато дека научниците во Норвешка и во Русија користат таква опрема.
Затоа, вели тој, контактирал со руски колеги, кои му рекле дека, најверојатно, појасот го поставила руската морнарица во Мурманск.
На појасот пишувало дека опремата е од Санкт Петербург и дека имало држач за „го про“ камера.
„Знаеме дека во Русија имаат припитомени китови во заробеништво, кои понекогаш ги пуштаат во дивината или самите бегаат”, објасни инспекторот Ингвед Ларсен.
Но, во Норвешка, која е една од земјите што го основаа НАТО, се убедени дека тоа е руски кит обучен за снимање и слични акции.
„Ако китот доаѓа од Русија, а постои голема шанса дека е, тогаш е јасно дека не постои поврзаност со некаков истражувачки институт, туку е дел од експеримент на нивната морнарица“, смета Мартин Биув од норвешкиот Институт за истражување.
Американската и руската морнарица имаа тајна програма во која ги користеа морските цицачи за бројни задачи за време на Студената војна, но во последните неколку месеци се појави во медиумите приказната за нелегална фарма китови во источниот дел на Русија, каде што пред неколку недели одлучиле да бидат пуштени повеќе десетици китови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.