Свет
(Видео) Огнена топка jа претвори ноќта во ден над северна Канада
Домашните и автомобислките камери во канадскиот град Едмонтон снимија неверојатно блескава огнена топка која експлодирала над градот претворајќи ја ноќта во ден и ги воодушеви жителите, пренесува РТ.
Огнениот објект, кој се чини дека е метеор, прелетал на ноќното небо околу четири секунди во 22.30 часот по локално време вчудовидувајќи многу жители кои се обидувале да се приспособат на екстремно блескавата светлина.
Caught the Edmonton Meteor on my dash cam last night #yegmeteor pic.twitter.com/I9g5lkMsJ8
— Gary Worsdall (@Accipitridae) September 1, 2019
„Додека го правев тоа, слушнав ‘бум’ и всушност мислев дека некој прави огномет“, вели очевидецот Вес Гласфорд.
Гласфорд гледал во небото чекајќи ја поларната светлина и, за среќа, снимил спектакуларна фотографија од неочекуваниот огномет.
„Оваа огнена топка ќе се гледаше на 600 км од која било страна,“, вели Мајк Хенки, менаџер за операции во Американското метеорско друштво, кој верува дека предметот веројатно е болид, многу блескав метеор.
Метеорискиот спектар се движи од метеор до огнена топка, болид и супер болид, што е посветол од Месечината и речиси блескав како Сонцето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.