Свет
Пентагон: САД не планираат да ја соборат кинеската ракета која неконтролирано кружи околу Земјата
САД се надеваат дека кинеската ракета, која неконтролирано кружи околу Земјата, ќе падне на безбедно место и засега не планираат да ја соборат, изјави шефот на Пентагон, Лојд Остин. Сè уште не е познато на која локација на планетата може да падне дел од ракетата што го лансираше првиот кинески модул за вселенската станица Тијанхе.
На 29 април, Кина ја лансираше ракетата „Лонг марч 5Б“ со главниот модул за својата идна орбитална станица. Американското воено воздухопловство претходно објави дека очекува ракетното јадро да се сруши во Тихиот Океан до крајот на неделава.
Според американската војска, дел од ракетата орбитира околу Земјата на секои 90 минути со брзина од околу 27.600 километри на час на висина поголема од 300 километри.
„Не планираме да ја собориме ракетата. Се надеваме дека ќе слета на место каде што нема да му наштети на никого, се надеваме во океанот или некаде на слично”, рече Остин.
#CZ5B space debris, imaged a few hours ago by @masi_gianluca with our robotic telescopes. This is expected to re-entry our atmospjhere in a few days. #LongMarch5B #Tianhe1 #reentry @planet4589
? pic.twitter.com/NawwplrLMJ— Virtual Telescope (@VirtualTelescop) May 6, 2021
Тој рече дека експертите го одредуваат времето и веројатното место на падот на ракетата. Остин додаде дека САД имаат можност да соборат делови од ракети кои би можеле да паднат на Земјата, но дека во моментот нема такви планови.
Дел од вселенското летало ЦЗ-5Б се очекува повторно да влезе во атмосферата на Земјата на 9 мај, над јужниот дел на Тихиот Океан недалеку од Нов Зеланд.
„Гардијан“ претходно цитираше астрофизичар од Астрофизичкиот центар на Универзитетот Харвард дека делови од ракетите може потенцијално да паднат во населено место, почнувајќи од север до Њујорк, Мадрид и Пекинг, сè до југ до Чиле и Нов Зеланд.
Научникот исто така очекуваше дека делови од ракетата може да паднат во морето, имајќи предвид дека поголемиот дел од нашата планета е покриен со океани. Кина ја лансираше ракетата „Лонг марч 5Б“ со главниот модул за својата идна орбитална станица на крајот на април.
Пекинг има испланирано повеќе мисии во текот на 2021 и 2022 година, а планира и официјално да лансира вселенска станица во 2023 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лукашенко: Исходот од претседателските избори во Русија е сериозен сигнал за Западот
Претседателот на Белорусија Александар Лукашенко ги коментираше резултатите од претседателските „избори“ во Русија.
„Исходот од претседателските избори во Русија е сериозен сигнал за Западот, кој сметаше на протресување на ситуацијата во Русија одвнатре. Тие не можеа да го направат тоа на првата линија, па се обидоа да го направат тоа одвнатре, но и тие не успеаја“, рече Лукашенко, цитиран од државната агенција „БелТА“.
Лукашенко рече дека никој не може да ги принуди луѓето на Белорусија и Русија на ништо.
Тој се пофали како изборниот процес во Русија е добро организиран. „Природно, претседателот Путин мораше да работи многу, видовте. Тој неуморно патуваше низ цела Русија, посетуваше различни места и одговараше на виталните прашања на рускиот народ.
Процесот на планирање и селекција беше совршен. Има многу да се научи. Сите беа мобилизирани и консолидирани. Луѓето се патриоти и резултатот е совршен. Ова е лекција за нас“, рече претседателот на Белорусија.
Свет
Драма на лет за Лондон: Патник се обидел да се убие во тоалетот на авионот
Пилотот на авионот принудно слетал откако патник наводно се обидел да се самоубие за време на летот.
Патувањето од Бангкок до Лондон завршило драматично, откако стјуардесите наишле на страшна сцена. Наводно патникот бил пронајден во тоалетот во моментот кога се обидувал да стави крај на животот, пренесуваат медиумите.
Британскиот таблоид „Сан“ наведува дека на помош на патникот дошле стјуардесите и докторот кој се затекнал на летот. На мажот му била укажана прва помош по слетувањето и итно бил пренесен во болница на понатамошно лекување.
Компанијата „ЕВА“ потврди дека инцидентот се случил на летот „БР67 Бангкок-Лондон“.
Не е познато на кој аеродром во Лондон слетал авионот.
Регион
Неписмени гангстери: реакција на Милановиќ по одлуката на Уставниот суд
Хрватскиот претседател Зоран Милановиќ денеска ја коментираше одлуката на Уставниот суд за неговата кандидатура.
Медиумите во регионот потсетуваат на одлуката на Уставниот суд во која е заклучокот дека хрватскиот претседател Зоран Милановиќ не може да учествува во политичките активности на ниту една политичка партија додека ја извршува својата функција. Претседателот на Уставниот суд,Мирослав Шепаровиќ му забранил да биде на избирачкиот список и на кој било начин да учествува во изборната кампања додека е претседател.
„Тоа го направија на гангстерски начин. Тие не ми можат ништо, но јас им можам. Тоа се сељаци, неписмени. Писмен човек, барем тој што завршил автошкола, има проблем со тоа“, рече тој.
Зоран Милановиќ потоа на насобраните во Вела Лука им ја прочитал одлуката на Уставниот суд.
„Најверојатно хрватскиот го научиле во автомеханичарска работилница. Според овие неписмени гангстери, тоа е забрането, но не е“, рече тој.
„Ова мора да се реши на избори. На крајот ќе бидам премиер, но нема да и кажувам на таа банда како. Ќе бидам кандидат на изборите, како што можев да бидам и на европските избори. Јас нема да си дадам мандат. Што е тука спорот, неписмени гангстери“, праша тој.
Собирот на ХДЗ во Лисински го нарече бал на вампирите. Тој рече дека во првите редови имало двајца ректори на државните универзитети.
„Со гангстерите ќе се справиме по изборите“ рече тој.