Свет
(Видео) „Плачев, бев исплашен. Мислев дека ќе умрам“ – 16-годишно момче го преживеа цунамито во Индонезија
Младо момче кое заедно со уште триесетина студенти било на обука во индонезискиот хотел „Патра Комфорт” го преживеало цунамито. По катастрофата тоа за тамошните медиуми раскажува дека брановите кои биле во висина од околу еден метар го повлекле назад кон морето.
Момчето, Вазки Курниван, раскажува дека од надојдената вода тој прво се удрил во оградата на хотелот додека се обидувал да го земе својот мотор.
Како што посочи тој додека биле во хотелото со останатите ученици луѓето трчале низ ходниците на хотелот и извикувале дека „морето надоаѓа“. Луѓето во паника трчале на сите страни.
Кога тој стигнал до својот мотор веќе се вели било поплавено.
„Ненадејно ме погоди бран висок еден метар, паднав, водата ме однесе далеку од моторот и ја погодив оградата што е околу 30 метри од плажата и силно се фатив за неа, најсилно што можев и се обидував да се спротивствам на надојдената вода. Ми делуваше како да ме влече назад кон морето. Плачев бев исплашен. Викав дали е ова цунами? Мислев дека ќе умрам”, рече 16-годишното момче.
Бројот на жртви во цунамито што се случи вчера вечер во Индонезија порасна на 222, а бројот на повредени на 843. Си-ен-ен пренесува дека властите издале предупредување за нов бран и граѓаните се предупредени да се оддалечат од крајбрежните области.
Сопственикот на ресортот „Танјунг Лесунг“, каде цунамито покоси цел бенд додека имаше концерт, за Би-би-си изјавил дека од урнатините досега се извлечени најмалку 90 тела. „Секоја минута наоѓаме ново тело“, рекол тој.
Додал дека во хотелот имало најмалку 500 гости, од кои повеќето се сметаат за исчезнати.
Локалните медиуми објавија дека пред цунамито немало никакво предупредување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.