Свет
(Видео) Пожарите во Калифорнија не стивнуваат, досега изгореа 500 згради
Најмалку 500 згради изгореа во шумските пожари во големите шумски пожари во северниот дел на американската сојузна држава Калифорнија, а 5.000 се под закана. Најголем е пожарот во реонот на Рединг, кој се шири брзо поради сувото време и силните ветрови. Пожарот избувна во понеделникот и зафати површина од 180 километри квадратни.
Еден од неколкуте пожари што беснеат во северна Калифорнија од средата, усмрти еден оператор на булдожер и повреди најмалку тројца пожарникари.Пожарот е толку моќен што создава феномен што некои го нарекоа „огнено торнадо“. Ветрот кој достигнува брзина до 100 километри на час, доведува до вртлог на самиот пламен и на запалениот материјал што потсетува на торнадо.
„Овој пожар е исклучително опасен и голта сѐ пред себе“, изјави командирот на пожарникарите Брет Гувеа. Гувернерот на Калифорнија, Џери Браун во четвртокот прогласи вонредна состојба во окрузите Шаста и Риверсајд.Илјадници домови се евакуирани на западниот крај на Рединг, град со околу 90.000 жители. Според последната проценка, пожарот зафатил околу 30.000 хектари, но службите очекуваат овој број да се зголеми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.