Свет
(Видео) Полицијата претепала крадец фатен во продавница за чевли на Менхетен
Се чини дека њујоршката полиција воведе политика за нулта толеранција кон ограбувачите. Во видеото се прикажани група полицајци кои користат тактики на сила против демонстрант кого го начекале при насилно влегување во продавница на Менхетен, пренесува РТ.
Њујорк е потресен од неколкудневни протести по смртта Џорџ Флојд во рацете на полицијата во Минеаполис, при што дел од демонстрациите прераснаа во немири и во грабежи. Квартот Сохо во неделата вечерта стана жртва на низа криминални активности – но сите сторители не успеаја да го избегнат законот.
WATCH: NYPD deals with looters caught red-handed when they were "seeking justice" inside a #Soho shoe store. This is just one of DOZENS of NYC businesses destroyed overnight. @NYCMayor refused to set a curfew and refused the National Guard. pic.twitter.com/30sNa8wbgR
— Breaking911 (@Breaking911) June 1, 2020
Краток клип што кружи на социјалните мрежи покажува како полицаец го тепа осомничениот ограбувач кој влегол во продавница за чевли. Провалникот се обидува да стане на нозе додека си го покрива лицето пред од ударите, но неговите напори се залудни: за неколку секунди, уште двајца полицајци се придружуваат во тепањето. Еден полицаец продолжува да го удира провалникот со палка додека неговите колеги го држат и му ставаат лисици.
I honestly never thought I would see a robbery in progress but tonight I did. Dozens of robberies in SoHo tonight from small stores to big name brands. Words can’t describe it. @News12BK @News12BX #GeorgeFloyd #NYCPROTEST #GeorgeFloydProtests #protests #newyorkprotest #looting pic.twitter.com/92aG2RuFqf
— Justine Miller (@JustineIMiller) June 1, 2020
На тепачката сведочеле група демонстранти кои се собрале пред ограбената продавница. Некои извикуваа вулгарности и „полициска бруталност!“ додека групата полицајци стоеле над ограбувачот. Потоа толпата брзо се повлекла бидејќи пристигнала поголема група полицајци.
Другите видеа објавени на социјалните мрежи покажуваат ограбувачи како влегуваат во бутици и продавници во Сохо, а потоа бегаат со украдената стока.
Another video of the #rolex store being #looted in soho #looting #georgefloyd #georgefloydprotests #NYCPROTEST #UnionSquare #TheGeorgeFloydProtestThread pic.twitter.com/86wJa4aIrG
— Cam Grey ???? (@camerongrey) June 1, 2020
Њујоршката полиција се бореше да го одржи законот и редот во градот и се најде под жестоки критики за употреба на прекумерна сила против демонстрантите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Јапонија пет лица починале од суплементи
Во неделата од почетокот на повлекувањето на серијата јапонски медицински додатоци, пет лица починаа, а повеќе од 100 лица досега се хоспитализирани, јавува Асошиејтед прес (АП).
Компанијата „Kobayashi Pharmaceuticals“ од Осака се најде на удар на критики бидејќи не излезе веднаш во јавноста со проблемите кои беа познати внатре во компанијата уште во јануари и првото јавно соопштение за тоа го објави дури на 22 март, пренесува медиумот.
Претставници на компанијата рекоа дека 114 лица биле лекувани во болниците откако ги земале производите, вклучително и „Benikoji choleste help“, која има за цел да го намали холестеролот и содржи состојка наречена беникоџи, еден вид црвена мувла.
На почетокот на неделава две лица починаа откако го земале производот. Некои луѓе развиле проблеми со бубрезите, но точната причина сè уште се истражува во соработка со владините лаборатории, рече производителот.
„Длабоко се извинуваме“, изјави денеска претседателот Акихиро Кобајаши на новинарите, пишува АП.
Тој изрази каење за загинатите и заболените, како и за нивните семејства.
Тој, исто така, се извини за проблемите предизвикани на целата индустрија за здрава храна и лекарската фела, додавајќи дека компанијата работи на спречување на дополнителни штети и подобрување на управувањето со кризи.
Производите на компанијата се отповикани – како и десетици други производи кои содржат беникоџи, вклучувајќи мисо паста, крекери и прелив со оцет.
Јапонското Министерство за здравство на својата официјална веб-страница објави список на сите повлечени производи, вклучувајќи ги и оние каде што беникоџи се користеше за бојадисување храна.
Свет
Наскоро ќе можеме да ја видиме космичката експлозија со голо око, се гледа еднаш во животот
Небесен танц меѓу две ѕвезди оддалечени 3.000 светлосни години ќе резултира со експлозија толку сјајна што ќе биде видлива со голо око со денови, изјавија денеска астрономите од Универзитетот Нотингем Трент.
Експлозијата што се случува еднаш во животот во системот T Coronae Borealis ќе се појави како нова ѕвезда која силно свети на ноќното небо пред да избледи и исчезне во следните 80 години. Професорот Даниел Браун објаснува дека овој небесен настан се нарекува „нова“, кога осветленоста на ѕвездата брзо се зголемува.
Според него, не е лесно да се предвиди кога ќе следи тој настан, но верува дека тоа може да се случи во секое време до септември.
„Ни претстои задоволство, ќе видиме таканаречена нова ѕвезда на небото“, рече Браун и истакна дека T Coronae Borealis не е само една ѕвезда, туку две ѕвезди кои орбитираат една околу друга. „Она што го прави овој пар толку исклучителен е тоа што одвреме навреме ја зголемува својата светлина толку многу што станува лесно видлива за нас“, рече астрономот.
Помасивната ѕвезда во парот е бело џуџе, кое во обем колку нашата Земја може да има иста маса како и нашето Сонце, рече Браун. Придружникот во тој пар беше старечки црвен џин кој се ширеше и го депонираше својот материјал на белото џуџе.
„Речиси на секои 80 години, бело џуџе собира доволно материјал за да се запали во термонуклеарна експлозија и во голема мера да ја засили својата светлина“, рече Браун.
„Сега е време за уште една ваква експлозија за T Coronae Borealis, чија светлина едвај видлива со двоглед на темното небо, ќе се зголеми и ќе биде споредлива со ѕвездите во системот Плуг и ќе биде видлива за голо око дури и на загаденото небо. „Новата“ ќе стане видлива во близина на соѕвездието Херкулес“, додаде тој.
Астрономите објаснуваат дека „новите“ во суштина се како водородни бомби.
Свет
Се отстранува срушениот мост во Балтимор, пристигна кран кој може да подигне 1.000 тони
Најголемиот кран на светот се преместува од источниот брег на САД во Балтимор за да започне денеска со отстранување на мостот кој се урна кога брод удри во него и го блокираше виталното пристаниште на градот.
Дел од мостот во Балтимор се урна откако контејнерски брод удри во него рано наутро во вторникот, со што повеќе возила завршија во водата. Од ледената вода се извлечени телата на двајца работници, а потрагата по уште четворица исчезнати во несреќата е прекината.
Гувернерот на американската сојузна држава Мериленд, каде се наоѓа Балтимор, Вес Мур, изјави дека кранот може да подигне до 1.000 тони и дека ќе се користи барем уште еден кран за отстранување на урнатиот мост.
Плановите за отстранување на мостот ги развиваат инженерскиот корпус на армијата на САД и морнарицата, кои мобилизираат ресурси од целата земја за да го исчистат водениот пат во рекордно време.
Мур рече дека не се работи само за државата Мериленд, туку и за економијата на земјата, бидејќи низ пристаништето Балтимор минуваат повеќе автомобили и земјоделска опрема од кое било друго пристаниште во Америка.
Гувернерот предупреди дека работата може да потрае долго и се заблагодари на администрацијата на американскиот претседател Џо Бајден што одобрила итна помош од 60 милиони долари. Бајден рече дека федералната влада ќе ги плати сите трошоци за обнова на мостот.
Штетата предизвикана кога контејнерски брод изгуби струја и удри во столб за потпора на мостот во вторникот вечерта е голема. Нуркачите ги извлекоа телата на двајца мажи од возило во реката во близина на средината на мостот во средата, но властите рекоа дека морале да започнат со расчистување на мостот пред некој да стигне до телата на уште четворица исчезнати работници.
Полицијата соопшти дека врз основа на снимки од сонар, нивните возила изгледале како затрупани со огромна количина бетон и метал.
Сојузните и државните власти велат дека ударот на бродот врз мостот што го предизвикал неговото уривање е, според сите пресметки, несреќа. Луѓето кои биле дел од групата работници кои ги поправале дупките на мостот загинале, тие биле од Мексико, Гватемала, Хондурас и Ел Салвадор во моментот на несреќата, изјавија официјални лица. Најмалку осум лица паднале во водата кога бродот удрил во столб на мостот, а двајца биле спасени истиот ден.
Во ударот мостот се скршил и за неколку секунди паднал во водата. Надлежните едвај имаа време да го запрат сообраќајот преку мостот, но немаа време да ги предупредат работниците на пристаништето, прашање на секунди беа кога од бродот пријавија дека им откажала струјата.