Свет
(Видео) Поради јаглерод моноксид загинаа 16 работници во кинески рудник
Во кинески рудник за јаглен во југозападниот кинески град Чунгќинг загинале 16 лица и само едно е спасено.
Спасувачи биле повикани во рудникот откако 17 лица останале заробени внатре поради прекумерно ниво на јаглерод моноксид.
16 killed,1 in critical condition in hospital, due to excessive levels of carbon monoxide in a coal mine in southwest China’s Chongqing, local authorities said Sunday.A fire caused carbon monoxide to exceed safety limits, trapping 17 miners inside. #chongqing #China @MakeReporter pic.twitter.com/b23GKDjclC
— Frontline (@Frontlinestory) September 27, 2020
По операцијата за спасување, единствениот преживеан рудар бил испратен на лекување во болница.
Чунгќинг е голем град во кој живеат повеќе од 30 милиони луѓе.
Кина е најголем производител и потрошувач на јаглен во светот, а нејзините рудници некогаш важеа за едни од најопасните на Земјата.
Стандардите за безбедност се подобрија во последниве години, но несреќите продолжуваат. Во 2019 година забележани се 170 фатални несреќи во кинеските рудници за јаглен, кои довеле до 316 смртни случаи, се вели во официјалниот весник на комунистичката партија „Пиполс дејли“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.