Свет
(Видео) Почина сиромашна студентка во Кина што јадела само ориз и тежела 21 килограм
Во југозападна Кина почина сиромашна студентка која не можела да си дозволи соодветна исхрана поради нејзината финансиска состојба.
Ву Хуајан (24) починала во болницата на Медицинскиот универзитет Гуижоу во градот Тонгрен, потврдил портпаролот на болницата за Си-ен-ен, но одбил да ја каже причината за нејзината смрт.
Кога била примена во болницата, студентката била висока 135 сантиметри и тежела само 21,6 килограми. Нејзините родители починале, а таа живеела со нејзиниот помал брат, со социјална помош од 300 јуани (35 евра) месечно.
Со оглед на тоа што нејзиниот брат имал ментално заболување, Ву живеела крајно штедливо за да може да продолжи да се грижи за него.
Лекарите рекле дека таа има сериозно оштетување на срцето и дека операцијата чини повеќе од 200.000 јуани (околу 26.000 евра). Нејзината приказна излегла во јавноста и добротворна организација со седиште во Пекинг започнала кампања за собирање средства за потребната операција.
И покрај донациите, нејзиното здравје се влошило и таа починала. Нејзината смрт предизвика бес на кинеските социјални мрежи, каде што многумина се прашуваат зошто не е сторено повеќе за да се спаси студентката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.