Свет
(Видео) Први снимки од огромната руска воена база на Арктикот
Руската воена база со назив „Северна детелина“, лоцирана на островот Котелни, е едно од најновите воени седишта во Русија, а сместена е веројатно на најнегостољубивото место на планетата, пишува Си-ен-ен.
Комплексот во форма на детелина со три листа е во боите на руското знаме и може да прими 250 војници и доволно резерви за тие да функционираат една година, без никаков контакт со надворешниот свет.
„Северна детелина“ се опкружена со пејзаж од заслепувачка бела боја и е поблиску до Алјаска отколку до Москва. Таа е една од трите нови руски бази што се дел од проектот на Путин кој сака да ја утврди својата воена сила на арктичкиот брег. Руската армија соопшти дека во изминатите шест години има изградено 475 воени локации кои се протегаат од западната граница на Русија до Беринговиот Проток на исток.
Руската Северна флота е стационирана во базата од 2016 година. Воениот персонал не мора да се соочи со суровите временски услови во Арктикот, освен ако не е на должност надвор од објектот.
Базата е веќе опремена со крајбрежни одбранбени ракетни системи и ракетен систем со среден дострел со назив Pantsir, кој е приспособен на арктичките услови и може да функционира на температури до -50 Целзиусови степени.
Основната функција на „Северна детелина“ е заштитата на руските интереси во областа што бргу станува геополитичка точка на фокус меѓу земјите што имаат право на арктичките области.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.