Свет
(Видео) Прогласена голема катастрофа во Кентаки – уништени се и најцврстите згради
Спасувачките служби во Кентаки вчера ги пребараа урнатините во потрага по преживеани, по серијата моќни торнада што ја погодија таа американска држава, уништувајќи многу семејни домови и деловни згради.
Властите стравуваат дека повеќе од сто луѓе загинале и се надеваат дека има мала надеж да се најдат уште преживеани по разорните торнада што однесоа животи во најмалку пет држави. Шест лица загинаа кога торнадо уништи складиште на „Амазон“ во Илиноис, а уништен е дом за стари лица во Арканзас, при што загинаа две лица. Четири лица загинаа во Тенеси и две во Мисури.
The most intense damage I have found in #Mayfield. The entire path in the town is less than 2% of the total path length. Homes with only slabs remaining. #Tornado #wxtwitter pic.twitter.com/nXxoxNBVhY
— WxChasing- Brandon Clement (@bclemms) December 11, 2021
Сепак, најмногу штети претрпе градот Мејфилд во југозападниот дел на Кентаки, каде што живеат 10.000 луѓе, а куќите беа срамнети со земја, беа искорнати огромни дрвја и сообраќајни знаци, а уништени се фабрика за свеќи, пожарна и полициска станица.
Гувернерот на Кентаки, Енди Бешеар, рече дека најмалку 80 луѓе загинале во неговата држава и дека тој број може да се искачи на повеќе од сто, но рече дека се надева на чудо иако поминале повеќе од 24 часа откако бил пронајден во урнатини последниот жив човек.
„Прво сите заедно ќе тагуваме, а потоа сите заедно ќе се фрлиме на обнова“, им рече Бешеар на новинарите, додавајќи дека торнадото зафатило површина од 365 километри.
Гувернерот рече дека ова се најразорните торнада во историјата на таа држава и дека се уништени и најсилните згради.
Повеќе од 300 членови на Националната гарда ги отстрануваат урнатините, тимовите делат вода и генератори, додека Федералната агенција за управување со кризи отвора засолништа и испраќа тимови и материјали, вклучувајќи 30.000 оброци и 45.000 галони вода.
Американскиот претседател Џо Бајден прогласи состојба на голема катастрофа во Кентаки, одлука што го отвора патот за дополнителна федерална помош.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.