Свет
(Видео) Путин му ги покажа пандите на кинескиот претседател
По официјалните разговори во Кремљ, рускиот претседател Владимир Путин и кинескиот лидер Шји Џјинпинг ја посетија московската зоолошка градина за да ги видат двете панди што Кина ѝ ги даде на Русија во знак на почит и доверба.
Пандите спаѓаат во загрозени животни, а во Кина тие се сметаат за национално богатство. Така, Русија стана една од 18-те земји во светот што ги прими овие животни.
„Кога зборуваме за пандите, на нашите лица се појавува насмевка“, им рече Путин на новинарите на прес-конференцијата во средата.
Рускиот претседател му се заблагодари на кинескиот колега за пријателскиот гест што ги испрати овие животни во Москва. Тоа, според него, покажа дека Пекинг им оддаде почит на билатералните односи меѓу двете земји и на најдобар начин ги почитува руските експерти за животни.
Двете џиновски панди – мажјакот Ру Ји, кој на 30 јули ќе наполни три години, и женката Динг Динг, која е една година и еден ден помлада од него – пристигнаа од Кина во април и оттогаш се во превентивен карантин.
Путин и Шји Џјинпинг ги посетија во новоизградениот павилјон. Тие ќе ги поминат следните 15 години во рускиот главен град, а за тоа време ќе останат во сопственост на кинеската држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.