Свет
(Видео) Ричард Бренсон се врати на Земјата по патувањето во вселената
Британскиот милијардер, Ричард Бренсон, слета во Ново Мексико без никакви потешкотии откако помина неколку минути на работ на вселената во неговото вселенско летало „Вирџин Галактик“, остварувајќи го така неговиот животен сон. Ова, исто така, е важен прв чекор за развојот на вселенскиот туризам.
Бренсон рече дека ова било уникатното искуство во неговиот живот. Тој е првиот милијардер кој леташе во вселената со вселенско летало развиено од неговата сопствена компанија, престигнувајќи го најбогатиот човек во светот, Џеф Безос, кој треба да го направи тоа на 20 јули.
Некои светски милијардери веќе биле во вселената во 2000-тите, но не со свои, туку со руски вселенски летала.
Уште еден милијардер, сопственикот на SpaceX, Елон Маск, присуствуваше на настанот што се одржа денеска.
Улогата на Бренсон за време на летот беше следна: да го тестира и оцени искуството што планира да им го понуди на идните клиенти.
На околу 15 километри надморска височина, бродот се одвои од носачот на авион и започна суперсонично искачување, сè до 80 километри висина, што е висина што САД ја одредија како граница на вселената.
Патниците тогаш можеа да ги откопчаат безбедносните ремени и да доживеат неколку минути бестежинска состојба, воодушевувајќи се на заобленоста на Земјата гледајќи ја низ 12 прозорци од кабината.
Откако достигна висина од 90 километри, бродот започна да се спушта.
„Вирџин Галактик“ планира да почне со комерцијални летови во вселената на почетокот на 2022 година. Амбицијата е со текот на времето да се извршуваат 400 летови годишно од базата Спејспорт Америка.
Околу 600 билети за патување во вселената веќе се продадени на поединци од 60 различни земји – вклучително и холивудски sвезди – по цена од 200.000 до 250.000 американски долари.
Иако Ричард Бренсон редовно повторува дека „универзумот ни припаѓа на сите нас“, засега, таа авантура им е достапна само на привилегираните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.