Свет
(Видео) Русија во океаните испрати нови нуклеарни подморници
Русија планира во својата флота за 2019 година да вклучи две нуклеарни подморници, потврди министерот за одбрана, Сергеј Шојгу. Како што е наведено, двете подморници се унапредена верзија на оригиналниот модел, а освен тие две, се очекува да се вклучат уште неколку такви нуклеарни подморници до 2021 година.
Russian #Navy’s latest strategic submarines, Kniaz Vladimir & Kazan, will join the fleet by the end of 2019. The ships will determine the future of Russia’s submarine fleet and increase the country’s defence potential, as well as strengthen @Russia position in the world’s oceans pic.twitter.com/tkeG6e5xe2
— Russia in USA ?? (@RusEmbUSA) March 13, 2019
„Се работи за подморници опремени со нуклеарен арсенал со име „Казан“ и „Принц Владимир“ и тие ќе бидат вклучени во руската морнарска флота пред крајот на 2019 година“, изјави Шојгу, а руската амбасада во САД објави и видео од тие подморници на својот официјален твитер-профил.
Зборувајќи на состанокот одржан во Северодвинск, Шојгу рекол дека новите подморници ќе ја дефинираат идната слика за руските подморници, како и дека ќе овозможат зголемување на рускиот одбранбен систем и ќе ја зајакнат позицијата на Русија во океаните.
Руските медиуми пренесуваат дека изработката на „Казан“ почнала пред 10 години, а на „Принц Владимир“ во 2012 година, а завршена била во 2017 година кога и двете биле лансирани во вода.
Двете подморници се модернизирана верзија на претходните модели „885“ и „955“. „Казан“ носи крстосувачки ракети „Калибар“ и „Оникс“, а „Принц Владимир“ нуклеарни ракети „РСМ-56“ – „Булава“, познати и како „СС-НХ-30“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.