Европа
(Видео) Руски авиони пресретнале два американски бомбардери над Балтикот
Руски борбени авиони „Су-35“ пресретнале два американски стратешки бомбардери „Б-52Н“ над Балтичкото Море, соопшти Националниот одбранбен центар на Русија.
Во соопштението се наведува дека радарите на противвоздушните сили на Западниот воен округ откриле два авиони класифицирани како стратешки бомбардери „Б-52Н“.
⚡️Russian jet intercepted a B-52 this afternoon pic.twitter.com/TJ5ugKnaw6
— War Monitor (@WarMonitors) March 20, 2023
Во соопштението се наведува дека со цел да се идентификуваат и спречат нарушувањата на државната граница, активирани се борбени авиони „СУ-35“ од Западниот воен округ и вратени во матичната база по отстранувањето на странските авиони.
„По отстранувањето на странските воени авиони од државната граница, руските борбени авиони се вратија во базата. Летот е извршен со строго почитување на меѓународните правила за користење на воздушниот простор. Не е дозволено кршење на државната граница на Русија“, се наведува во извештајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Експлозија во хидроцентрала, има повредени, најмалку 7 исчезнати: драма во Италија
Повеќе од 70 пожарникари се обидуваат да го изгаснат пожарот во хидроцентралата во Камуњано, Италија, каде денеска се случи експлозија, најверојатно кај турбините.
Според локалните медиуми, најмалку седум лица се водат како исчезнати, а четворица се тешко повредени.
Целото подрачје го надлетуваат хеликоптери, а над езерото се издига густ чад.
Во експлозијата повредените работници се здобиле со тешки изгореници и во моментов се префрлени во најблиските болници.
❌#Bologna, #esplosione nel primo pomeriggio di #oggi in una centrale idroelettrica semi-sommersa a Bargi, nei pressi del lago di Suviana: soccorsi 3 operai feriti, #vigilidelfuoco impegnati nelle operazioni di ricerca di possibili dispersi. Intervento in corso [#9aprile 16:30] pic.twitter.com/EsT20o16lM
— Vigili del Fuoco (@vigilidelfuoco) April 9, 2024
Според градоначалникот Марко Масинара, експлозијата се случила при работа на турбините.
Несреќата се случила под нивото на водата, бидејќи хидроцентралата е вкопана на околу 30 метри.
„За да пружите помош потребна ви е видливост и ниски температури“, изјави провинцискиот командант на противпожарната бригада на Болоња, Калогеро Туртуричи.
„Кога ќе дојдеме до нивото на несреќата, подобро ќе знаеме каква е состојбата“, додаде тој.
Пожарот наводно избувнал на 9 кат каде се наоѓаат трансформаторите.
„Повеќе ќе знаеме откако ќе слушнеме очевидци, луѓе кои биле на местото на настанот. Просториите сега се поплавени според првите информации што ги имаме. Доколку местото на несреќата не е достапно за истрага, тешко е да се претпостави конкретно сценарио“, рече тој.
Засега не е познато како дошло до експлозијата.
Европа
(Видео) Ирска доби нов премиер
Симон Харис денеска стана најмладиот премиер на Ирска досега, наследувајќи го партискиот колега Лео Варадкар и има помалку од една година да ги засили напорите на коалициската влада да ја спречи првата изборна победа на левичарскиот Шин Фејн.
Сајмон Харис, 37-годишниот поранешен министер за здравство и високо образование, најпознат по помагањето и водење на земјата за време на пандемијата со коронавирусот, беше избран без противкандидатот за нов лидер на Фајн Гаел минатиот месец, само неколку дена по шокантното заминување на Варадкар.
Тоа практично му гарантираше дека тој ќе стане 16-тиот човек што ќе ја води земјата со 5,3 милиони жители, а тој беше потврден во парламентот откако ја обезбеди поддршката од некои независни пратеници, како и од неговите коалициски партнери Фиана Фаил и Партијата на зелените.
Европа
(Видео) Украина: Погодивме фабрика за авиони во Русија
Украинската воена разузнавачка агенција (ГУР) го погоди главниот производствен погон на фабриката за авиони во руската област Воронеж, дозна денеска „Ројтерс“ од украинските разузнавачки кругови.
Russian outlet ASTRA, referring to its own sources, reports about an attack of two UAVs on the Borisoglebsk Aviation Training Center for training flight personnel of front-line bomber and attack aviation in the Voronezh region. The facade was reportedly damaged. pic.twitter.com/5SiOUYmDzJ
— NOELREPORTS 🇪🇺 🇺🇦 (@NOELreports) April 9, 2024
Според истиот извор, погоден е објект за поправка на авиони во градот Борисоглебск, но нема информации за степенот на штетата. Градот се наоѓа на најмалку 350 километри од линијата на фронтот контролирана од Украина, на североисток.
Additional footage pic.twitter.com/ej47FOILyJ
— NOELREPORTS 🇪🇺 🇺🇦 (@NOELreports) April 9, 2024
„Ројтерс“ не може независно да ги потврди наводите. Руското Министерство за одбрана претходно соопшти дека над областа биле соборени две украински беспилотни летала. На снимката се гледа противвоздушната одбрана во акција пред да се слушне силна експлозија. По тоа, густ облак од чад почнува да се крева од погодената област.
Неодамна, Киев сè повеќе напаѓа подлабоко на руска територија гаѓајќи ги воените објекти и енергетската инфраструктура што ја напојува руската воена машина. Главно користи дронови со долг дострел од домашно производство.