Свет
(Видео) Руски блогер починал по 40 дена гладување, следбениците го гледале неговото умирање на „Јутјуб“
Рускиот блогер Виталиј Виграновски (38) почина по 40 дена гладување, пишува рускиот портал „НТВ“.
Виграновски на својот јутјуб-канал објави дека ќе се обиде да издржи 40 дена без храна.
Експериментот го започна во март во Москва, а по десет дена се чувствуваше лошо и рече дека го нервира атмосферата на градот. Сè уште не е познато како пиел вода, а на својот инстаграм-профил тврди дека ја внесувал со потопување, пренесува „Новости“.
Тој заминал во Абхазија каде што продолжил да гладува.
По дваесет дена, како што рекол самиот, се чувствувал целосно исчистен. Во исто време, тој истакна дека изгубил многу килограми и дека веќе нема сила за каква било физичка активност. Со експериментот продолжил и по 35. ден, и покрај тоа што чувствувал дека умира.
„И како помина? Тоа е само игра што ја прифатив. Многу е интересно. Нема повеќе паразити, нема повеќе желба за храна. Телото е целосно обновено, секоја клетка“, рече Виграновски.
Подоцна, неговите познајници на социјалните мрежи напишаа дека блогерот починал на самиот крај на гладувањето, но точната причина за смртта сè уште не е позната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.