Свет
(Видео) Садик Кан бара малцинствата да добијат повластен пристап до вакцините против коронавирусот
Лондонскиот градоначалник Садик Кан побара црните луѓе и другите етнички малцинства да добијат приоритетен пристап до вакцината на Ковид-19, пренесува Би-би-си.
Левичарскиот градоначалник тврди дека таканаречените БAME (црни, азиски, малцински етнички) групи се диспропорционално погодени од вирусот и затоа треба да се стават на врвот на списокот кога ќе се дистрибуира вакцината.
„НХС и јавното здравство во Англија работат на критериумите за тоа кој прв ќе ја прими вакцината. Во суштина тоа е направено според возраста. Но, јас побарав да бидат разгледани дополнителни работи и тоа ја вклучува загриженоста за црните, азиските, етничките малцинства во Лондон, кои несразмерно страдаа од вирусот во март, април, мај и во јуни.
„Мојата загриженост е дека во Лондон постои поголема колебливост кон примањето вакцини отколку во другите делови на земјата. Значи, една од работите што треба да ја направиме е да им влееме доверба дека вреди да се прими оваа вакцина и исто така да се осигуриме дека најранливите – најверојатно нема да се заразат од вирусот и, не дај боже, да умрат – први ќе ја примат вакцината“, заклучи Кан.
The positive news around COVID19 vaccine development is hugely encouraging.
But there is still some way to go, and it’s vital that when we have a vaccine that is approved for use that the most vulnerable members of our society are first to benefit.pic.twitter.com/hUQ0vwhNRD
— Sadiq Khan (@SadiqKhan) November 17, 2020
Во август Кан напиша кометар за левичарскиот „Гардијан“, во кој тој тврди дека структурниот расизам е причина за зголемената стапка на смртност од коронавирус кај етничките малцинства во Велика Британија.
„И покрај тоа што може да биде непријатно за некои да признаат, не можеме да ги игнорираме бариерите на дискриминација и структурниот расизам што постојат во нашето општество, што придонесува етничките малцинства да страдаат од сиромаштија, да имаат здравствени проблеми и да работат на несигурни, ниско платени работни места“, напиша Кан.
Идејата дека т.н. структурен расизам е определувачки фактор за стапката на смртност од Ковид-19 беше оспорена од владиниот советник и виш соработник за клинички истражувања на Универзитетот во Кембриџ, д-р Рагиб Али. Во октомври д-р Али рече дека структурниот расизам не е разумно објаснување за различните резултати за различните етникуми.
„Ако структурниот расизам беше важен проблем, не велејќи дека не постои, но ако беше важен проблем во резултатите од здравството, би очекувале дека тој ќе се рефлектира не само кај Ковид-19 туку и кај други болести“, рече тој.
Во понеделникот секретарот за здравство, Мет Ханкок, рече дека нема да исклучи вакцините да бидат задолжителни.
Неодамнешното истражување спроведено во Лондон преку интернет помеѓу 19 октомври и 2 ноември покажа дека околу една третина не би примиле вакцина или веројатно нема да ја примат вакцината, при што речиси половина од испитаниците одговориле дека не му веруваат на НХС дека успешно ќе ја администрира вакцината кога таа ќе биде достапна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Туристи поради селфи малтретирале мечиња, па ги фатила полиција во Северна Каролина
Во станбен комплекс во округот Бункомб, Северна Каролина шест лица се снимени како влечат мали мечиња од гранките на дрвото за коишто се држеле, а сè со цел да позираат за фотографија. Шестмината ги тегнеле двете мечиња, а едното дури им испаднало од рацете во текот на снимањето.
Веднаш откако снимките од инцидентот стигнале до експертите кои се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њус“ рекла дека, кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било сместено на човечка грижа и нега за да се опорави. Поради тоа, сосема е можно никогаш да не можат да се вратат во дивината, бидејќи мечките кои растат со луѓе, потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
– Мечето преживеа големо трауматично искуство. На луѓето кои го направија тоа им објаснивме колку е неодговорно и потенцијално смртоносно за мечето да се одвои од мајка му, а особено на овој начин да го влечат од дрвото – рекла Хобс, пренесува „Унилад“.
По објавувањето на видеото, многумина се згрозиле од тоа што го направиле овие луѓе. За сето тоа морале да разговараат и со полицијата.
Свет
Фон дер Лајен ги повика Иран, Израел и нивните сојузници да се воздржат од ескалација
Претседателката на Европската комисија, Урсула фон дер Лајен, ги повика Иран, Израел и нивните сојузници да се воздржат од ескалација на Блискиот Исток.
„Апсолутно е неопходно регионот да остане стабилен и сите страни да се воздржат од понатамошни дејства“, рече Фон дер Лејен за време на посетата на Лапенрат со финскиот премиер Питер Орп, на 25 километри од руската граница, пренесе „Ројтерс“.
Италијанскиот министер за надворешни работи, Антонио Тајани, повика на апсолутна деескалација по информациите дека Израел го нападнал Иран велејќи дека неговите колеги од Г7 ќе разговараат за тоа на состанокот на Капри.
„Ги повикуваме сите да бидат внимателни за да се избегне ескалација“, изјави тој за РАИ, пренесе „Гардијан“. Г7, која ги вклучува Велика Британија, Америка, Франција, Германија, Јапонија и Канада, сака апсолутна деескалација на Блискиот Исток, посочи Тајани.
Оман, кој дејствуваше како посредник на Блискиот Исток, го осуди израелскиот напад на иранска територија, како и „повторените израелски воени напади во регионот“, соопшти Министерството за надворешни работи на земјата.
Неименуван ирански функционер изјави претходно денеска, откога светските медиуми објавија дека Израел извршил напад на иранска територија и дека одекнале експлозии во иранскиот град Исфахан, но дека не е потврдено оти инцидентот бил предизвикан од странство. „Не утврдивме никаков надворешен напад, а истрагата повеќе се наклонува кон некој што се инфилтрира наместо кон напад што дојде надвор од земјата“, рече тој, пренесе „Ројтерс“.
Тој изјави дека Иран нема непосредни планови да му се одмазди на Израел. Американски функционер претходно изјави за Си-ен-ен дека Израел го нападна иранскиот град Исфахан како одмазда за иранскиот напад врз Израел на 13 април, а иранските медиуми објавија дека три беспилотни летала биле соборени над Исфахан, пренесува „Танјуг“.
Свет
(Видео) Дел од вулкан се заканува да се урне и да предизвика цунами: во тек голема евакуација во Индонезија
Жителите што живеат на индонезискиот остров Сулавеси денеска се евакуирани поради опасност од ширење пепел, исфрлање карпи, жежок вулкански облак и потенцијално цунами, пренесе АП.
Властите наредија повеќе од 11.000 луѓе да ги напуштат своите домови, но досега тоа го направиле само околу 1.000 луѓе.
Indonesia volcano erupts, prompting local evacuations
📹: FRANCE 24 English
💻: Tan Wee Guan
🎶: Envato#borneobulletin #southeastasia #asean #sulawesi #Indonesia #mountruang #volcano #erupts #prompting #local #evacuations #video #viral pic.twitter.com/ytfqTkjqKm— Borneo Bulletin (@borneo_bulletin) April 19, 2024
Меѓународниот аеродром во градот Манадо, кој се наоѓа на помалку од 100 километри од вулканот Маунт Руанг, останува затворен поради вулканската пепел во воздухот.
Сателитските снимки од Агенцијата за метеорологија, климатологија и геофизика покажуваат дека пепелта се проширила на запад, северозапад, североисток и на југоисток покривајќи ги Манадо и Северна Минахаса.
„Продолжуваме да го следиме развојот на ситуацијата по ерупцијата на Руанг и работиме во координација со релевантните актери со цел да се предвидат активности за да се овозможат безбедност и удобност во воздушниот сообраќај“, рече шефот на регионалниот аеродром.
🕵️♂️#Indonesia is on alert for more eruptions of remote 🌋 volcano. pic.twitter.com/A5hO49fPBX
— talk•time (@zoominfire2) April 19, 2024
Официјалните лица стравуваат дека дел од вулканот може да падне во морето и да предизвика цунами, што се случи за време на ерупцијата на тој вулкан во 1871 година.
Во средата Маунт Руанг имаше најмалку пет силни ерупции, што го натера Центарот за вулканологија и процена на геолошкиот ризик да издаде највисоко ниво на тревога.
На граѓаните им беше кажано да останат најмалку шест километри подалеку од вулканот висок 725 метри.
Индонезија, архипелаг од острови, дом на приближно 270 милиони луѓе, има 120 активни вулкани.