Свет
(Видео) Силно невреме го погоди Кипар, има и жртви
Најмалку три лица загинаа во поплави во северниот дел на Кипар по обилните дождови со град, според извештаите во турскиот дел на островот.
Медиумите објавија дека автомобилот во кој биле две жртви го однела водата доцна синоќа. Жителите на Кипар рекоа дека дождот паѓа без прекин од 4 декември.
Дополнително лошо време се очекува и денес.
#kyrenia #girne #cyprus #kıbrıs #flood #rain #yagmur #sel altyapı, imar, geçmiş ve gelmiş bütün besiye başkanları ve siyasiler… 15 kasım 1983 ten beri hep geriye götürdüğünüz bir memleket !
Videoda yağmurun iyi halleriydi…
10dk sonra kapıları kapatmak zorunda kaldık… pic.twitter.com/FFlnG20h95— Erman (@windermancyp) December 6, 2018
„Во рок од неколку минути од убаво сончево време преминавме во смрзнување, со молњи и грмежи во далечината“, рече еден очевидец.
Flash floods in Nicosia, Cyprus, Dec 4th – thanks to Raphael Michaelides for the report! pic.twitter.com/mP3e53wJip
— severe-weather.EU (@severeweatherEU) December 5, 2018
Луѓето ставаат вреќи со песок на вратите и прозорците за да го спречат навлегувањето на водата.
На социјалните мрежи се појавија фотографии на автомобили кои беа однесени во морето и поплавени куќи.
At least two dead as rain and floods lash Cyprus https://t.co/N9XcNTlIkU pic.twitter.com/21zwoP3C2Q
— Wetinhappen Magazine (@Wetinhappen) December 6, 2018
Обично суви, речните корита сега се полни со вода која го прели брегот предизвикувајќи штета во Никозија, делумно е затворен автопатот, кој го поврзува градот Кирења со североисточниот брег на земјата. Многу училишта се затворени.
Мештаните велат дека вакво нешто не се памети во неодамнешната историја на островот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.