Свет
(Видео) Скандал во Полска: Ученици изведоа перформанс за убивањето со гас во Аушвиц
Учениците од основно училиште во источниот полски град Лабуни го грозија светот изведувајќи шокантен перформанс на кој се прикажани ужасните смртни случаи во концентрацискиот логор во Аушвиц, пренесува „Њузвик Полска“.
На претставата присуствувал локалниот градоначалник, кој потоа одржал говор за детската должност да го заштитат „латинското христијанство“ од „предавниците“ и „опасностите“ со кои се соочува современиот Запад.
Видеото објавено од Тигодник Замојски ги покажува учениците од основното училиште кои носат нацистичка униформа од озлогласените СС-единици со ленти со свастика околу раката, додека други, кои носеле затворска во сива боја, се струполуваат на подот со чад што ги обвиткува – претставувајќи ги убиствата во гасните комори.
Poruszająca inscenizacja z przesłaniem w wykonaniu dzieci ze Szkoły Podstawowej w Łabuniach im. Dzieci Zamojszczyzny… o tych ostatnich.
Posted by Tygodnik Zamojski on Вторник, 10 декември 2019
Во исто време, една од гостите, Полјачка чии родители биле убиени во концентрацискиот логор, им рекла на децата по претставата дека нивната земја заслужува обесштетување од Германија.
Перформансот се одржал во чест на децата на Замоск, по кои е именувано училиштето – илјадници млади од полскиот регион биле депортирани и убиени од нацистите за време на Втората светска војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.