Свет
(Видео) Талибанците им се потсмеваат на САД – ги носат нивните униформи и оружјето
По брзото освојување на Кабул и американските обиди за повлекување од Авганистан, талибанските лидери и борци сега ги исмејуваат САД. Тие позираат во нови униформи, кои ѝ беа донирани на авганистанската армија, со цело американско оружје, објави „Њујорк пост“.
Халил Хакани, за кого беше најавена награда од пет милиони долари, е фотографиран како им проповеда на своите следбеници во џамијата со американска автоматска пушка, а околу него има луѓе во американска воена униформа.
بدري ۳۱۳ قطعه
د ارګ او د کابل ښار د حساسو سیمو امنیت په غاړه لري pic.twitter.com/dSSgnuAUbM— Qari Saeed Khosty (@SaeedKhosty) August 17, 2021
Хакани, чиј братучед Сираџудин Хакани е кандидат за нов претседател, носеше американска пушка М4, која е стандардна во американската армија.
Околу него, неговото обезбедување носи слично оружје и униформи на американската армија.
„Њујорк пост“ додава дека вооружена група верници може да биде вознемирувачки доказ за тоа колку американско оружје е земено од исламските милитанти откако ја презедоа власта.
САД обезбедија оружје и воена опрема во вредност од 28 милијарди долари за авганистанската армија помеѓу 2002 и 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.