Свет
(Видео) Трамп одржа говор од балконот на Белата куќа – Се чувствувам прекрасно
Американскиот претседател Доналд Трамп одржа говор од балконот на Белата куќа. Ова е негов прв јавен говор по заразата со коронавирус.
Тој најпрво им се заблагодари на своите приврзаници за пораките за неговото здравје. Им кажа дека се чувствува прекрасно и дека веќе не зема лекови.
Најави дека вакцината против Ковид-19 ќе биде готова многу, многу наскоро.
„ Американската наука и медицина ќе го искоренат кинескиот вирус“, рече претседателот Трамп.
Собирот во Белата куќа делумно е организиран од фондацијата наречена „Блексит“, која има за цел да ги натера црните и латино-гласачи да ја поддржат републиканската партија.
Програмата на неговиот противник во трката за претседател, ја нарече социјалистичка. Трамп вели дека има поддршка од силите за безбедност во целата земја.
Трамп го повтори претходното тврдење дека тој направил повеќе за црната заедница од кој било претседател уште од Абрахам Линколн.
Во говорот истакна дека веќе го започнал економското закрепнување на земјата.
Порача дека планира да присуствува на „големиот митинг“ на Флорида.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.