Свет
(Видео) Уапсена наставничка во Њујорк оти вакцинирала ученик
Уапсена е наставничката Лаура Русо во Њујорк, која вакцинира ученик и покрај тоа што нема медицински квалификации.
Полицијата потврди дека Русо вакцинирала 17-годишен ученик во својот дом иако немала правна основа за давање на вакцината, ниту одобрение од родителите.
Русо, која предава биологија, е уапсена на новогодишната ноќ и доколку биде осудена, ѝ се заканува затворска казна до четири години. Наводно, 17-годишниот ученик сакал да ја прими вакцината.
Би-би-си потсетува дека инјекциите може да бидат опасни доколку неправилно се дадени. Лекарите и другиот квалификуван медицински персонал исто така мора да проверат дали вакцината не е фалсификувана, но и дека не е истечен рокот на траење. Дополнително, здравствените работници мора да го прегледаат лицето што ја прима вакцината за неговата здравствена и медицинска историја и да ги следат реакциите по вакцинацијата.
Полицијата вели дека не е јасно како Русо ја добила вакцината. Во моментот вакцината „Фајзер“ е единствената одобрена во Соединетите Американски Држави за лица под 18-годишна возраст.
Се појави и видео од контроверзната вакцинација, на кое Русо пред вакцинацијата му вели на ученикот: „Ќе бидеш добро, се надевам“.
Официјални лица велат дека родителите на ученикот повикале полиција кога тој дошол дома и им кажал што се случило.
Првото судско рочиште ќе се одржи на 21 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Полицаец од Бор е приведен поради давање информации за исчезнувањето на девојчето
Полицаец од Бор е приведен поради давање информации од истрагата за исчезнувањето на девојчето Данка Илиќ (2).
Не се знае за какви информации станува збор и кому полицаецот ги дал, но се работи за информации од истрагата кои евентуално би можеле да ја загрозат.
Се уште трае потрагата по двегодишното девојче Данка Илиќ од околината на Бор, чие исчезнување беше пријавено во вторникот.
Се претресуваат куќи и населба, се расчистува дворот.
Две специјалистички екипи за спасување од урнатините од Белград и Нови Сад започнаа детално пребарување на просторот околу куќата, соопшти полицијата.
Свет
Украински дрон удрил во станбена зграда во Белгород, има мртви
Едно лице загина кога украинско беспилотно летало удри во станбена зграда во рускиот град Белгород и одекна силна експлозија, изјави регионалниот гувернер Вјачеслав Гладков.
„Повредена е сопругата на починатиот, има расекотини на лицето и површна изгореница на бутот. Екипата за брза помош ја однела жената во регионалната клиничка болница. Како резултат на експлозијата, за жал, еден човек загина“, објави Гладков, а пренесува Риа Новости.
Друг жител со рана од шрапнел сам отишол во градската болница, додаде тој.
Оштетени се прозорците во пет стана, како и автомобил. Оперативните услуги се на лице место.
Европа
Бремена жена дошла на редовен преглед, лекарите по грешка ѝ направиле абортус во болница во Прага
Во трагичен инцидент претходно оваа недела во Универзитетската болница „Буловка“ во Прага 8 дошло до забуна кај лекарите за две жени што не биле од Прага, а тоа резултирало со абортус на бремена жена без нејзино знаење или желба, пренесуваат тамошните медиуми.
Здравствениот експерт вели дека, освен големата негрижа од страна на персоналот, за шокантниот настан придонела и јазичната бариера.
Кобната грешка се случила на 25 март, јавуваат чешките медиуми. Имено, една трудница дошла во болница на редовен преглед на бременоста. Меѓутоа, медицинските сестри, лекарите, гинеколозите и анестезиолозите ја помешале со друга трудница, која имала закажана киретажа (метод на абортус).
Така, бремената мајка била ставена под општа анестезија и лекарите по грешка ѝ направиле абортус.
„Министерството за здравство изразува најдлабоко жалење до пациентот и целото семејство“, рече портпаролот на Министерството, Онџеј Јакоб, во соопштението за печатот во четвртокот.
„Имаше неопростлива човечка грешка, а одговорните се разрешени“, додаде тој.
Од самата болница за информативниот портал „Новинки.чз“ изјавија дека се подготвени да платат отштета.
Според чешките медиуми, и двете пациентки биле странски државјанки, кои живееле во Чешка.
Официјалните лица не објавија никакви информации за идентитетот на жените.