Свет
(Видео) Убиен маж за време на прославата на победата на Бајден во Сиетл
Триесет и едногодишен маж бил застрелан за време на прославата на победата на Џо Бајден на претседателските избори во Сиетл.
Маркез Демон Патерсон е убиен додека заминувал од прославата во паркот „Кал Андерсон“, соопшти неговото семејство. Прославата била организирана како дел од победата на Џо Бајден на изборите.
Пукањето се случило во 1 часот по полноќ, а полицијата веднаш излегла на местото на настанот, пишува „Сиетл тајмс“.
Seattle police attend scene of fatal shooting near Biden celebration rally https://t.co/fLdU1lJHgS pic.twitter.com/ZDmJ6i2ty6
— ESN (@evnsocial) November 9, 2020
Човекот кој бил застрелан успеал да стигне до болница, но набргу им подлегнал на повредите.
Пукањето се случило во јужниот дел на контроверзната автономна зона Капитол Хил.
Someone got shot during the Biden celebration street party in Seattle. pic.twitter.com/wHy4Xe4fHo
— Andy Ngô (@MrAndyNgo) November 8, 2020
Мајката на Патерсон, Ке Васер, изјави дека тој отишол на прославата со пријателите.
„Тој сакаше да излезе и да покаже почит кон новиот претседател и потпретседателката. Ни рекоа дека е среќен и дека налетал на своите школски другари“, рече таа.
Патерсон бил татко на две деца на возраст од 9 и 10 години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Иранскиот министер за надворешни работи: Санкциите на ЕУ против Иран се за жалење
Санкциите на Европската унија, за кои минатата недела беше постигнат начелен договор што треба да му бидат наметнати на Техеран по нападот на Иран врз Израел, се „за жалење“ бидејќи Иран дејствуваше во самоодбрана, изјави иранскиот министер за надворешни работи Хосеин Амирабдолахиан.
Тој во објава на платформата Х, напиша дека е „за жалење“ што ЕУ толку брзо одлучува да спроведе уште по „незаконски рестриктивни мерки против Иран“, само затоа што Иран го искористи правото на самоодбрана, по, како што наведе, „непромислената израелска агресија“, пренесува Ројтерс.
На 13 април, Иран истрела повеќе од 300 беспилотни летала и проектили кон Израел, велејќи дека тоа е како одмазда за израелскиот бомбардирање на иранскиот конзулат во Дамаск, во кој загинаа 13 лица.
Свет
Украинските власти: Седум лица се повредени во напад со руски дрон во Одеса
Седум лица се повредени, меѓу кои две деца, во напад на руски дрон врз украинското пристаниште Одеса, соопштија украинските власти.
Градоначалникот на Одеса, Генадиј Труханов, изјави дека се оштетени најмалку 14 станови, пренесе агенцијата „Униан“.
Целта на руските беспилотни летала беше и Киев, а шефот на градската управа Серхи Попко изјави дека украинската противвоздушна одбрана соборила неколку беспилотни летала испукани од Русија кон Киев, додавајќи дека нема извештаи за штета или повредени во нападот.
Украинската морнарица соопшти дека се уништени четири руски беспилотни летала над јужниот регион Николаев.
Свет
Зеленски: Ако француските авиони можат да го заштитат небото на Израел, зошто да не и нашето
Украинскиот претседател Володимир Зеленски изјави дека ја очекува посетата на неговиот француски колега Емануел Макрон на Киев за да разговара со него во врска со неколку точки на соработка, особено како најефективно да се зајакне заштитата на украинското небо.
„Ако француските авиони со француски пилоти можат да го заштитат небото на Израел, зошто француските авиони не можат да го заштитат небото на Украина. Но, во секој случај, неопходно е таквите иницијативи да доаѓаат од личноста од која зависи одлуката. И Емануел Макрон сè уште не разговарал за овие точки со мене. Тој вети дека ќе дојде во Киев и тука ќе имаме можност да го направиме тоа“, изјави претседателот на Украина во интервју за познатиот француски медиумски блогер Хуго Травер, на прашањето за можноста за испраќање француски војници во Украина.
Зеленски изјави дека не е во надлежност на украинскиот претседател да ја повика француската армија во Украина.
„Немам право да кажам дека утре француската армија треба да биде во Украина со полна сила и да се бори за нас, едноставно немам право на тоа и затоа никогаш не го покренав ова прашање“, рече тој.
Што се однесува до другите точки на соработка, како што наведе, тие се пред се мисии за обука на воени инструктори од Франција, пренесува Укринформ.
Макрон требаше да ја посети Украина во февруари, но потоа посетата беше одложена, според медиумите, од безбедносни причини. Подоцна, средината на март беше спомната меѓу можните датуми.
Зеленски рече дека е уверен оти ќе се најде формат за разговор со Русија за одлуките што водечките земји во светот ќе ги договорат на Мировниот самит во Швајцарија, кој беше најавен за 15 и 16 јуни.
– Ако по првиот самит заминеме со разбирање дека имаме точки за кои сите се согласуваме… Ако на маса има земји кои навистина сакаат мир и бараат праведен мир од Русија, тогаш документ со нашата визија ќе биде подготвени и ќе дојде моментот кога за тоа ќе се разговара со претставници на непријателот – рече Зеленски.
Според Зеленски, повеќе од 80 земји во светот ќе можат да постигнат договор за најмалку три точки од Формулата за мир.