Свет
(Видео) Убиен свештеник во црква во Тексас
Свештеник е убиен, а двајца други се ранети во пукање во црква на истокот на американската сојузна држава Тексас.
Локалниот шериф изјави дека свештеникот се спротивставил на човекот што се криел во црквата од полицијата, пренесува АП.
Вчера, полициските сили користеа обучени кучиња трагачи и беспилотни летала во потера по бегалец криминалец во шумата околу градот Винона по што следуваше автомобилска потера, а потоа бегалецот се криел во црквата каде што бил откриен утрово од локален свештеник.
Here’s the scene of a #shooting in which the pastor of Starrville Methodist Church in #Winona was killed when he confronted a suspect who was hiding in the church’s bathroom following a car chase Saturday night. #Texas #TXNews #TexasNews pic.twitter.com/8S8zcBNln4
— Reagan Roy-Young (@reaganroy) January 3, 2021
Кога го открил криминалецот, свештеникот извадил пиштол, но бегалецот успеал да му го одзеде, пукал во него и го убил, а притоа ранил уште две лица.
Убиецот потоа украл возило и побегнал, но бил уапсен во околината на округот Харисон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Две девојчиња повредени со нож во близина на училиште во Франција, напаѓачот е приведен
Две девојчиња на возраст од 6 и 11 години се полесно повредени со нож во близина на нивното училиште во Софелвејерсхајм, источна Франција, соопштија властите.
Според жандармеријата, 11-годишно девојче било повредено со нож пред училиштето, а друго е избодено на блискиот плоштад. Имаат површни рани и се хоспитализирани.
Напаѓачот бил приведен нешто по 14 часот и 15 минути на плоштадот. Тој веќе немал нож во раката и не пружал отпор.
„Човекот не е познат на службите и се чини дека неговите мотиви не биле поврзани со радикализација“, соопшти жандармеријата.
Децата биле задржани на училиште. Родителите ги чекале пред училиштето каде се распоредени неколку противпожарни возила.
„Навистина се плашам. Ни рекоа дека децата се безбедни внатре, но не знаеме кога ќе можеме да ги земеме“, рече Сара, една од мајките чие дете е на училиште.
Свет
Патник загина на летот на Рајанер над Италија, со него била и неговата бремена сопруга
Вчера, 33-годишен маж загина на летот на Рајанер над Италија додека неговата бремена сопруга седела во вториот, заден дел од авионот. Според италијанските медиуми, мажот починал од срцев удар.
Откако вчера наутро му се слошило на летот од Торино до Ламеција Терме, двајца патници обучени за давање медицинска помош се обиделе да го спасат, а персоналот на авионот бил принуден да влезе со дефибрилатор, пишува LaStampa. Авионот се вратил во Торино 30 минути по полетувањето, влетале лекарите, но на лице место била констатирана смрт на човекот.
Неговата сопруга дознала за неговата смрт дури откако авионот се вратил во Торино бидејќи седела далеку од него во задниот дел од авионот. Локалните медиуми јавуваат дека таа била однесена во блиската болница Сирие во состојба на шок.
По трагедијата, имаше тврдења дека спасувачките екипи доцнеле на аеродромот. Сепак, овие тврдења се отфрлени, а локалната здравствена власт соопшти дека биле подготвени да пружат помош веднаш по слетувањето на авионот.
Регион
Се вештачат трагите од предметите пронајдени во автомобилот во кој била убиена малата Данка
Телото на малото девојче Данка Илиќ (2), кое на 26 март годинава беше брутално убиено во Бањско Поле, сè уште не е пронајдено.
Осомничениот Дејан Драгијевиќ (50) во Вишото јавно обвинителство во Заечар ги изнесе деталите за убиството на детето. Сепак, тој не сакаше да открие каде го фрлил телото на Данка.
Срѓан Јанковиќ (50) не сакал да зборува за делото, а вчера побарал да му дозволат адвокат по службена должност. Во притвор е и таткото на Дејан Драгијевиќ, кој исто така се бранеше со молчење на обвинувањата дека му помогнал на синот да се ослободи од телото.
Понатамошни чекори во истрагата за „Телеграф.рс“ најавија од Вишото јавно обвинителство во Заечар.
„Вишото јавно обвинителство во Заечар издаде наредба вештаци да ги прегледаат трагите пронајдени во автомобилот на Јавното претпријатие за комунални дејности ‘Водовод’ од Бор“.
Сослушувањата на сведоците се во тек.
Вчера, во Вишото јавно обвинителство во Заечар дадоа исказ Ивана и Милош Илиќ, родителите на убиената Данка.