Свет
(Видео) Украина: Потона рускиот брод полн со оружје што го погодивме
Руски брод што доставува оружје на стратешки важниот Змиски остров потона откако беше погоден од украински ракети, потврди воен претставник доцна во петокот.
Рускиот црноморски брод-шлепер „Васили Бех“ претходно беше оштетен од противбродски ракети што Данска и ги достави на Украина.
„Подоцна се дозна дека потонал“, рече Максим Марченко, воениот гувернер на Одеса, во изјавата на неговиот канал на Телеграм.
Тврдењето не можеше да биде независно проверено, а руската страна не го коментираше случајот. Бродот, опремен со систем за противвоздушна одбрана Тор, беше погоден со ракети Харпун и тешко оштетен во петокот.
Дестинацијата на бродот бил Змискиот остров во близина на јужниот украински брег, кој кон крајот на февруари беше окупиран од руските сили. „Василиј Бех“ не е првиот брод што го загуби руската Црноморска флота за време на војната. Руската страна ја потврди загубата на десантниот брод „Саратов“ и на ракетниот крстосувач „Москва“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.