Свет
(Видео) Ураганот Лора ги зеде првите жртви, половина милион луѓе се без струја
Најмалку три лица го загубија животот во налетот на ураганот Лoра во американската сојузна држава Луизијана, соопштија властите. Според информациите, меѓу загинатите е 14-годишно девојче, врз чија куќа паднало големо дрво.
Ураганот Лoра, кој се зголеми од категорија 1 на категорија 4, на скала од 5, за само еден ден, го погоди американскиот брег. Метеоролозите го опишаа како „исклучително опасен“ и ги предупредија жителите да се евакуираат или во спротивно ризикуваат да го загубат својот живот.
На удар сега се Луизијана и Тексас.
10:30pm UPDATE from the 4th floor of our hotel in Lake Charles! Really now seeing a ramp up in the winds. @StephanieAbrams is LIVE on @weatherchannel down on ground level! #HurricaneLaura #LakeCharles #Louisiana pic.twitter.com/cUc9NhX1lO
— Chris Bruin (@TWCChrisBruin) August 27, 2020
Во текот на изминатите неколку часови ураганот ослабе во категорија 2.
Многу згради се оштетени, еден град е целосно поплавен, а половина милион жители се без електрична енергија, пренесуваат светските медиуми.
Националниот центар за урагани предупреди дека и натаму се очекуваат силни и опасни ветрови и покрај тоа што ураганот ослабнал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.