Свет
(Видео) ФСБ спречила украински терористички напад врз руски нуклеарни централи
Руската Федерална служба за безбедност (ФСБ) соопшти дека пресретнала украинска диверзантска група која планирала терористички напад врз две нуклеарни централи во земјата пред 9 мај, кога Русите ја слават победата на Советскиот Сојуз над нацистичка Германија, пренесуваат руските медиуми.
Во пресрет на Денот на победата, диверзантско-терористичката група на Надворешната разузнавачка служба на Украина се обидела да крене во воздух повеќе од 30 столба за пренос на електрична енергија на високонапонски далноводи од нуклеарните централи „Ленинград“ и „Калинин“, нуклеарна централа во регионот Твер, на 350км северозападно од Москва..
„Терористите успеаја да кренат во воздух една и да минираат четири далноводи на нуклеарната централа „Ленинград“ и подметнаа импровизирани експлозивни направи под седум електропреносни кули на нуклеарната централа Калинин“, се додава во соопштението.
Според планот на украинските специјални служби, нападите врз руските нуклеарни централи требало да доведат до затворање на реакторите и нарушување на редовната работа на централите, велат од ФСБ, штто требало да предизвика сериозна економска штета и да го наруши имиџот на Русија.
ФСБ приведе двајца украински саботери, регрутирани од Киев, кои ги подготвувале нападите и за таа цел поминале специјална обука на територијата на Украина.
Приведени се и двајца нивни соучесници-руските државјани кои обезбедиле средства за комуникација и возила со лажни регистарски таблички. Уште еден саботер со двојно руско-украинско државјанство, за кој се верува дека е во Белгија, бил ставен на листата на барани лица.
Тројцата мажи, наводно, биле регрутирани од украинското разузнавање во септември минатата година и поминале обука во кампови во регионите Киев и Николаев во Украина. Тие илегално преминале во Русија во регионот Псков од Белорусија, во која влегле од Полска.
ФСБ открил и складишта подготвени од осомничените, во кои имало 36,5кг пластичен експлозив Ц-4, 61 електричен детонатор од странско производство, 38 електронски тајмери и два пиштола „макаров“ со муниција.
Украинските специјални служби планирале да шверцуваат експлозив за да ги разнесат далноводите од Полска во Литванија, потоа преку Белорусија до руската област Твер, соопшти ФСБ, додавајќи дека користеле товарна приколка со скриени делови за транспорт на оружје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Масовен руски напад врз Харков: Бомби паѓаа цела ноќ, две лица загинаа
Во текот на ноќта руските војници гранатираа 17 населени места во областа Херсон, при што загинаа две лица, а четворица беа ранети, објави шефот на воената управа во Керсон, Олександр Прокудин.
„Руската армија гаѓаше станбени области на населени места, при што беа оштетени две катни згради и 10 приватни куќи. Како резултат на руската агресија, две лица загинаа, уште 4 се повредени“, рече Прокудин на Телеграм.
Погоди се забележани и во пристанишната инфраструктура, објектите за критична инфраструктура, трговски центар, комерцијални објекти и автомобили, додаде тој. Според него, непријателот ги гранатирал населбите Дудчани, Нововоронцовка, Михајловка, Одрадокамјанка, Гавриловка, Весела, Золота Балкан, Качкаровка, Антоновка, Станислав, Днепровске, Јантарне, Билозерка, Велетенске, Кизомиш и градот Берег.
Во текот на ноќта, силите за противвоздушна одбрана уништија 26 од 28-те јуришни беспилотни летала што Русија ги користеше за напад на Украина, објави на Телеграм Военото воздухопловство на Вооружените сили на Украина.
Свет
Две тела пронајдени во автомобил под урнатиот мост во Балтимор, паднале од височина од 50 метри во водата
Полицијата во американската сојузна држава Мериленд објави дека две тела биле пронајдени во автомобил во реката Патапско каде мостот Френсис Скот Ки се урна во вторникот наутро откако товарен брод удрил во него.
Двајца мажи на возраст од 35 и 26 години се пронајдени на 7,6 метри под вода, пренесува CBS News. Несреќата се случила во вторникот откако бродот „Дали“ удрил во еден од столбовите на мостот.
Жртвите паднале од височина од 50 метри во водата, која била околу -1 Целзиусов степен во моментот на падот, изјави портпаролот на противпожарната служба во Балтимор, Кевин Картрајт. Во вторникот беше објавено и дека бродот Дали, кој удри во мостот, исто така бил вклучен во инцидент во пристаништето Антверпен во Белгија во 2016 година.
Спасувачките екипи ја прекинаа потрагата по шест лица исчезнати по уривањето на мостот во Балтимор, соопштија локалните власти во вторникот вечерта, бидејќи се претпоставува дека се мртви.
Претходно беше соопштено дека спасувачите трагаат по 20 луѓе, додека шефот на противпожарната служба во Балтимор Џејмс Валас во вторникот изјави дека две лица се спасени од реката Патапско.
Регион
Потрагата по Данка Илиќ продолжува трет ден, се проверуваат телефоните на родителите
И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување на сите факти и околности поврзани со исчезнувањето на детето
Потрагата по исчезнатото двегодишно девојче Данка Илиќ од Бањско Поље, кај Бор, продолжува трет ден, а полицијата ќе ги проверува базните станици и ќе ги прегледа мобилните телефони на родителите, за да потврди со кого биле во контакт во периодот кога девојчето исчезнало.
Продолжувањето на потрагата ќе се изврши оперативно, откако е утврдено дека девојчето не е на 10 квадратни километри од местото на исчезнувањето.
Полицијата ќе ги испрашува и луѓето кои биле во близина непосредно пред или по исчезнувањето на девојчето, со цел да се утврдат детали кои можеби биле пропуштени во текот на истрагата која е во тек.
Исчезнувањето на двегодишното девојче за првпат го активира системот „Најди ме“ во Србија кој е наменет за итно известување на јавноста во случај на исчезнување на малолетно лице.,
Данка Илиќ (2) има кафеава коса, кафеави очи и е висока околу 85 сантиметри. На денот на исчезнувањето носела виолетови панталони и јакна во маслинесто зелена боја.