Свет
(Видео) Хаос во Каракас: војниците пукаат едни во други, а народот фрла со камења
Венецуела е на работ на граѓанска војна. Опозицискиот лидер Хуан Гваидо ја повика војската на бунт против претседателот Николас Мадуро, а граѓаните да излезат на улиците. Во текот на денот избија судири, се слушат истрели. Може да се вида солзавец и „молотови коктели“.
The tear gas is flying. Wild images of Guaido’s new forces tossing canisters back at Maduro’s near the base. pic.twitter.com/koqGqTt1K1
— Alejandro Alvarez (@aletweetsnews) April 30, 2019
Венецуелските сили за безбедност верни на Мадуро со солзавец ги нападнаа приврзаниците на Гваидо. Воени оклопни возила возат директно кон демонстрантите, кои фрлаат „молотови коктели“.
Гваидо, кој се самопрогласи за претседател на Венецуела, денеска повика на државен удар со цел конечно протерување на Мадуро од власта.
Како што пренесуваат некои светски медиуми, војниците пукаат едни во други, а народот фрла со камења. Во судирите има и жртви.
Interview with a 21-year-old soldier who defected to Guaido’s side this morning. “He’s my legitimate president now, whatever happens, I’ll be with him until the end.” pic.twitter.com/ehVJyUYPKT
— Alejandro Alvarez (@aletweetsnews) April 30, 2019
Тезата за државен удар ја објави министерот за комуникации Хорхе Родригес и наведе дека на властите отпор им дава помала група предавници од редовите на војската. Министерот за одбрана, Владимир Падрино Лопес, рекол дека војската му останува верна на претседателот.
Пред резиденцијата на Мадуро се собраа група негови приврзаници. Во земјата привремено е блокиран интернетот, а и сообраќјот на подземната железница има спорадични прекини.
I am monitoring the situation in Venezuela very closely. The United States stands with the People of Venezuela and their Freedom!
— Donald J. Trump (@realDonaldTrump) April 30, 2019
Американскиот претседател Доналд Трамп објави на „Твитер“ дека ги следи случувањата во Венецуела, како и дека Америка стои зад народот на оваа земја и нивната слобода.
Министерот за надворешни работи на Еквадор, Хосе Валенсија, објави на „Твитер“ кусо соопштение, во кое наведува дека неговата земја е со Гваидо, а слична порака испрати и перуанското Министерство за надворешни работи. Бразил порача дека будно ја следи ситуацијата во Каракас и дека ја поддржува демократската транзиција во земјата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: За Словенците мислам се најдобро, но нема да им се извинувам на нивните политичари
Претседателот на Србија Александар Вучиќ денеска во Њујорк изјави дека не сака да го навреди народот на Словенија и дека го мисли најдоброто за нив, но дека нема намера да им се извинува на нивните политичари бидејќи, како што рече, водат одвратна политика.
„Реков дека Словенците се одвратни, мислејќи на седницата на Советот за безбедност. Тоа беше темата и на сите им беше јасно дека се работи за поединецот и се работи за нивната политика. Сигурно не треба да се користи вокабуларот, но јас на човечки начин кажав што мислам за нивната политика“, рече Вучиќ во обраќањето пред новинарите.
Тој додаде дека на Словенците им мисли најдобро како народ и дека има многу пријатели и роднини во Словенија.
„Ако некого сум навредил, сакам да и се извинам на целата јавност во Словенија и истовремено да кажам дека нема да им се извинувам на словенечките политичари, бидејќи тие водат одвратна политика кон Србија и српскиот народ“, рече Вучиќ.
Тој додаде дека неговата изјава е извадена од контекст и е оценета како нешто „страшно“, но дека нарушувањето на територијалниот интегритет на Србија не е оценето како „страшно“.
„Не е страшно што ја спонзорираат резолуцијата за Сребреница против нашиот народ, без претходно да не консултираат, да не информираат или да не прашаат. Ја користам можноста да ги поканам, премиерот на Словенија, Роберт Голоб и претседателката на Словенија Наташа Пирц Мусар во Белград и Србија. Дефинитивно треба уште еднаш да се извинам, да укажам дека секако не мислев на Словенците, туку да им кажам в лице што мислам за нивната лоша политика кон Србија и српскиот народ“, заклучи Вучиќ.
Свет
Кулеба: Неприфатливо е Украинците надвор од државата да седат во ресторани, додека други умираат
Министерот за надворешни работи на Украина со ентузијазам ги пофали американските политичари за одобрувањето на долго одложуваниот пакет воена помош од 61 милијарда долари за Украина, но предупреди дека новите испораки нема веднаш да го свртат бранот на војната.
„Алелуја“, изјави Дмитро Кулеба во интервју за „Гардијан“, запрашан за реакцијата на гласањето на американскиот Сенат во вторникот. Тој рече дека „неговото верување е дека ќе има позитивен исход“, но Западот мора „да сфати дека ерата на мирот во Европа е завршена“ и да ја изгради својата одбранбена индустрија.
Во интервју за „Гардијан“, Кулеба рече дека се надева оти Белата куќа ќе претстави нов пакет оружје „за неколку дена, можеби дури и часови“ и дека е „само прашање на логистика“ да се префрлат залихите на линија на фронтот.
Претставници на Пентагон најавија дека одредена муниција веќе е складирана во Европа, а се очекува меѓу приоритетите да бидат артилериската и противвоздушната одбрана.
Кулеба, исто така, рече дека Украина идентификувала седум системи за воздушна одбрана „Патриот“ кои би можела да ги користи за заштита на цивилите во поголемите градови надвор од Киев.
Тој исто така додаде дека украинскиот претседател Володимир Зеленски разговарал со Џо Бајден за воената помош во понеделникот. Кулеба рече дека сојузниците на Украина треба да се префрлат од „изразување сочувство на Украинците и ветување помош за закрепнување за да се спречи загубата на животи и уништувањето на земјата“.
Тој рече дека враќањето на американската воена помош, која со месеци ја задржуваат републиканците кои се усогласени со Доналд Трамп, нема да биде доволно за да се победи Русија. „Ниту еден пакет не може да ги запре Русите. Она што ќе ги спречи Русите е обединет фронт на цела Украина и сите нејзини партнери“.
Кулеба рече дека Западот треба да го зголеми своето производство на оружје, како што направи Украина, бидејќи Русија го престигна. „Русија ја надминува Украина со околу 10 спрема еден, додека Украина е без воздушна одбрана.
Кога гледам што постигна Русија во изградбата на одбранбена индустриска база за две години војна и што постигна Западот, мислам дека нешто не е во ред со Западот“, рече Кулеба. „Западот мора да разбере дека ерата на мирот во Европа е завршена.
Врвот на воено-индустриското производство на сојузниците на Украина не се очекува до крајот на 2024 година“, рече шефот на дипломатијата, посочувајќи дека Киев предвидува дека војната ќе продолжи и следната година. Се очекува Русија да започне летна офанзива и се верува дека е во процес на мобилизирање на дополнителни 100.000 војници за борбата.
„Не знам што ќе се случи утре или како ќе се однесуваат политичките елити во САД. Она што го научивме од првиот претседателски мандат на Доналд Трамп е дека има излез од секоја криза“, рече тој.
Кулеба рече дека одлуката за откажување на конзуларните услуги за украинските мажи на борбена возраст кои живеат во странство, објавена во вторникот, е праведна бидејќи „момчињата во рововите се многу уморни“.
„Тие не разбираат зошто владата не се обидува да привлече повеќе луѓе во воените напори“, рече тој. Кулеба рече дека не е јасно колку Украинци ќе се вратат, но неприфатливо е оние надвор од земјата да „седат во ресторани“, додека други умираат.
„Мислам дека на крајот на оваа војна само едната страна ќе преживее, а тоа ќе биде Украина. Но, кога велам преживее, не мислам дека Русија ќе престане да постои како земја“, вели тој.
Свет
Русија и Украина договорија размена на децата одвоени од нивните семејства за време на војната
Руската комесарка за правата на децата Марија Лвова-Белова денеска изјави дека Русија и Украина се договориле за размена на децата кои биле одвоени од нивните родители за време на конфликтот меѓу двете земји.
Преговорите за размената се водеа со посредство на Катар, при што беше договорено Москва да прими 19 деца и 29 од нив да испрати во Украина, пишува РТ.
Белова изјавила дека владата на Катар го следи списокот на деца кои ќе бидат разменети, како и дека ова е прво преговарање во живо меѓу Москва и Киев од почетокот на војната, пренесува Танјуг.