Свет
(Видео) Ќерката на загинат пожарникар на погребот го носеше шлемот на својот татко
Погребот на пожарникар доброволец, кој почина кога неговиот камион се преврте југозападно од Сиднеј, беше одржан денес.
Ендру О’Двајер (36) и неговиот колега Џефри Китон (32) загинале на 19 декември во пожар во близина на Буксон кога нивниот камион скршнал од патот.
Таткото на О’Двајер, Ерол, на погребот рече дека неговиот син бил прекрасен, драг човек, кој нашол друго семејство кога ѝ се приклучил на Волонтерската противпожарна служба (РФС). Тој додал дека сопругата и 19-месечната ќерка Шарлота му биле неговата најголема љубов.
На погребот присуствувала и малечката Шарлота, која, по примањето на неговото одликување, го ставила неговиот шлем на главата.
На О’Двајер му беше постхумно доделена Пофалбата за извонредна служба и храброст, највисоко признание што може да им се даде на пожарникарите на Нов Јужен Велс, пренесува „Еј-би-си њуз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.
Свет
Русија ги повлекува војниците од Нагорно Карабах
Руските воени мировни трупи се повлекуваат од Нагорно-Карабах, потврдија официјални лица од двете земји.
Руските мировници се таму од крајот на ерменско-азербејџанската војна во 2020 година.
Портпаролот на Кремљ, Дмитриј Песков, ги потврди извештаите за повлекувањето пред новинарите, но не даде детали.
Веста за повлекувањето ја потврди и азербејџанскиот министер за надворешни работи Хикмет Хаџиев, додавајќи дека двете земји се договориле за тоа.
Хаџиев не објасни зошто војниците се повлекуваат, но се чини дека нивното присуство е излишно откако Азербејџан ја врати целосната контрола врз регионот минатата година.
Во првата половина на 1990-тите, Нагорно-Карабах беше во фокусот на меѓуетничката војна по распадот на Советскиот Сојуз, во која и Ерменија и Азербејџан беа федерални единици.
Тој регион тогаш беше под целосна контрола на бунтовничките Ерменци до војната во 2020 година, кога Азербејџан ја врати контролата врз некои од неговите делови. Таа војна заврши со прекин на огнот и распоредување на 2.000 руски војници во деловите на Нагорно-Карабах кои останаа под ерменска контрола.