Свет
Виетнам има население од 95 милиони, 262 пациенти и нема смртни случаи
Кaко земја што нема смртни случаи, а бројот на заразени од коронавирус е изразен во стотици, Виетнам доби пофалби од Светската здравствена организација (СЗО) и може да послужи како пример за земја што успева да ја спречи пандемијата.
И покрај тоа што граничи со Кина, Виетнам досега ја избегнува ситуацијата што коронавирусот ја донесе во Европа и Соединетите Американски Држави преземајќи навремени и одлучувачки мерки, како што се распространето тестирање и строгиот карантин.
Според бројачот на „Џон Хопкинс“, бројот на заразени лица во Виетнам е 262, во земја во која има повеќе од 95 милиони жители.
Официјалните статистики покажуваат дека 75.000 луѓе во моментот се ставени во карантин или изолирани во Виетнам. Државата досега има спроведено повеќе од 121.000 теста.
Во таа комунистичка земја во Југоисточна Азија во моментот нема мртви од Ковид-19, а стапката на инфекција е значително пониска отколку во поразвиените Јужна Кореја, Сингапур, па дури и Тајван – пофалени за нивниот одговор на кризата.
Кидонг Парк, претставник на СЗО за Виетнам, верува дека раната акција била клучна за успехот.
„Виетнам одговори на пандемијата рано и активно. Нивната прва вежба за процена на ризикот се случи на почетокот на јануари, набргу по пријавените први случаи во Кина“, рече Парк.
Државата бргу формира Национален управен комитет за спречување и контрола на Ковид-19, кој бргу спроведе национален план за одговор на кризи, додава Парк.
Иако има мал број потврдени случаи, Виетнам исто така ја стави во карантин целата земја на 1 април, многу побргу и порешително од Велика Британија и Италија, кои тоа го сторија кога нивниот број почна да се мери во илјадници.
Владите во светот воведуваат карантини за подобро да се справат со постојните епидемии. Виетнам го стори тоа за да спречи национална криза.
Голем дел од успехот на Виетнам може да се припише на неговото социјално единство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.