Свет
Воени сили на Ирак уништија бази на Даеш во Сирија
Воени авиони на Ирак ја нападнаа и уништија базата на терористичката организација Даеш, соопшти Министерството за одбрана на Ирак.
Според соопштението, операцијата била изведена по наредба на командирот на вооружените сили, Хаидер Ал-Абади“
„Авионите „Ф-16“ на Ирак во четвртокот ја бомбардираа контролната база на терористичката организација Даеш во областа Ал-Хаџин во Сирија,“ се вели во соопштението, но не се изнесени детали во врска со штетата што е нанесена, ниту бројот на жртви.
Ал-Хаџин е мало гратче во источната сириска покраина Деир ез-Зор, сместено над реката Еуфрат, јужно од градот Деир ез-Зор.
Возушните напади во четвртокот беа изведени по нападите од минатата недела кога воени авиони на Ирак ја бомбардираа истата област тврдејќи дека таму се крие терористичката група.
Воздушните сили на Ирак претходно ги бомбардираа и базите во Деир ез-Зор на 19 април.
Багдад веќе неколкупати повтори дека нападите се извршени по претходен договор со владата на Сирија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Големи експлозии во база на проиранската милиција во Ирак
Проиранската милиција ПМФ (Сили за народна мобилизација) објави дека во текот на ноќта се случила голема експлозија во нивната воена база Калсо на околу 50 километри јужно од Багдад, Ирак, а два безбедносни извори тврдат дека станува збор за воздушен напад, пренесува Ројтерс.
Еден војник на ПМФ е убиен, а шестмина се ранети, соопштија два извори од болницата во блискиот град Хила.
Од експлозијата е причинета материјална штета, а има и повредени“, се вели во соопштението на ПМФ и се додава дека истрагата е во тек.
Два безбедносни извори изјавија дека се уште не знаат кој е одговорен за воздушниот напад. Американски официјален претставник изјави дека немало американска воена активност во Ирак.
Израел вчера изврши напад на иранска територија, неколку дена откако Иран го нападна Израел со беспилотни летала и проектили кои главно беа пресретнати и уништени.
Фракциите во рамките на ПМФ учествуваа во неколкумесечни ракетни и беспилотни напади врз американските сили во Ирак среде кампањата на Израел во Газа, но ги прекинаа нападите од почетокот на февруари.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.