Свет
Возач на училишен автобус 10 минути држел затворена 13 годишна ученичка за да и изјави љубов
Возач на училишен автобус во Лос Анџелес ѝ се предал на полицијата во вторникот вечерта по бизарен инцидент во кој учествувала 13-годишна ученичка.
Според WBRZ, Кристофер Таплин (33) требал да ја остави ученичката пред училиштето во понеделникот наутро, но тој не го сторил тоа.
Полицијата тврди дека возачот им дозволил на останатите ученици во автобусот да излезат од возилото, освен 13-годишното девојче. Потоа продолжил во гимназијата каде ги оставил останатите ученици, додека не останал сам со малолетничката.
После тоа, возачот наводно останал сам со девојката во автобусот околу 10 минути.
Според полицајците, кога Таплин останал сам со ученичката, почнал да и изразува наклонетост и да и кажува дека ја сака. Кога завршил со изјавување љубов, на крајот ја оставил ученичката пред нејзиното училиште и и дозволил да го напушти возилото.
Полицијата во средата соопшти дека Таплин оставил необична говорна пошта за семејството на детето, откривајќи дека ја сака и ја гледал откако тргнала на училиште.
Учениците кои патуваат во истиот автобус изјавија дека се изненадени од однесувањето на возачот.
– Овој инцидент остави многу семејства во шок бидејќи Таплин е многу поврзан со заедницата – соопшти полицијата.
Таплин моментално се соочува со обвиненија за лажно затворање, киднапирање и следење на малолетник. Полицискиот оддел, исто така, забележа дека Таплин не работел директно за училишниот систем, туку возел училишен автобус за училишниот систем Западен Батон Руж.
Во меѓувреме му престанал работниот однос,пренесе Телеграф.рс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.