Свет
(Вознемирувачко видео) Талибанците егзекутираа авганистански војници, кои со кренати раце сакаа да се предадат
Си-ен-ен објави видео на кое се гледа како талибанците убиваат авганистански војници, кои сакаа да се предадат на 16 јуни.
На снимката се слуша како некој вика: „Предајте се, командоси, предадете се!“ По тоа, се гледа дека невооружени луѓе излегуваат од зградата и набргу талибанците пукаат во нив извикувајќи „Алаху акбар“ (Бог е голем).
На 16 јуни талибанците убија припадници на авганистанските специјалци во градот Давлат Абад во провинцијата Фаријаб, во близина на авганистанската граница со Туркменистан. Си-ен-ен наиде на неколку снимки од настаните ја потврди нивната автентичност и разговараше со сведоци.
На видеото се гледа како телата на авганистанските војници лежат расфрлани на пазарот.
Сведоците рекле дека војниците останале без муниција по жестока борба да го задржат градот и дека набргу биле опколени од талибанците. На едно видео, кое трае околу 45 секунди, може да се чуе случаен минувач кој им вели на талибанците на локален јазик да не пукаат кон војниците.
„Не пукајте, не пукајте, ве молам. Како тоа Паштуните убиваат Авганистанци“, вели минувачот.
Инаку, Паштуните се иранска етничка група во Авганистан.
Црвениот крст потврди дека биле пронајдени 22 тела на авганистански војници. Овие убиства испраќаат спротивна порака од тврдењата на талибанците дека прифаќаат предавање на војниците и во некои случаи им плаќаат да си одат дома затоа што така ја обезбедуваат авганистанската територија.
Три дена по борбите во Дават Абад, талибанците објавија видео на кое се гледа како војниците заплениле оружје. Тие за Си-ен-ен изјавија дека снимките од застреланите авганистански војници се лажни и дека, всушност, станува збор за пропаганда на владата, која сака да спречи идно предавање.
Авганистанското Министерство за одбрана негира дека талибанците држат војници и за Си-ен-ен изјави дека тие биле убиени. Неколку сведоци од Дават Абад за Си-ен-ен изјавија дека талибанците ладнокрвно пукале кон војниците.
По објавата на американскиот претседател Џо Бајден дека ќе ги повлече сите американски трупи од земјата до 11 септември, десетици илјади цивили беа раселени низ целиот Авганистан.
Талибанците тврдат дека ја презеле контролата над речиси 200 окрузи, претежно во северен и северозападен Авганистан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Еди Рама оттурна новинарка, не му се допадна прашањето што му го постави
Албанскиот премиер Еди Рама за време на прес-конференцијата ја оттурна новинарката бидејќи, според локалните медиуми, не му се допаднало прашањето што таа му го поставила.
Како што пренесува „Газета 10“, Еди Рама ја турнал репортерката на телевизијата СИРИ откога таа му поставила прашање.
Наводно новинароката го прашала премиерот „зошто парите на албанските даночни обврзници одат во новото пристаниште, а во сегашното пристаниште Драч се продаваат станови на приватни инвеститори“.
По тоа, дошло до физички контакт, а сè се случило додека бил опкружен со новинарски екипи.
A disgusting, yet no surprising gesture of #Albania PM, @ediramaal harassing a female journalist today. pic.twitter.com/0DFuUOzDwX
— Xhemajl Rexha (@xhemajl_rexha) March 19, 2024
„Ве молам, не допирајте ме повеќе“, рекла новинарката додека Рама си заминувал по инцидентот, пренесува „Блиц“.
Свет
Во Мексико нападната шефицата на полицијата на автопат, ѝ ја отсекле главата
Мексиканските власти вчера објавија дека една шефица полицајка и нејзините двајца помошници биле убиени при напад на автопат во државата Мичоакан. Агенцијата за државна безбедност на социјалните мрежи објави дека тројца полицајци биле убиени за време на должноста во неделата вечерта, пишува „Си-би-ес њуз“.
Меѓу нив беше и Кристал Гарсија Хуртадо, регионален полициски командант. Локалните медиуми јавија дека напаѓачите ѝ ја отсекле главата.
„Го осудуваме кукавичкото убиство на нашите колеги од полицијата, кои беа брутално нападнати додека ја извршуваа својата должност“, се вели во објавата на социјалните мрежи, во која се идентификувани другите две жртви како Ицел Мадеро Лареа и Давид де Хесус Еспиноза Валдез.
Нападот се случил на автопатот што ги поврзува градовите Пацкуаро и Уруапан. Државното обвинителство на Мичоакан, кое ја води истрагата, веднаш не го коментира инцидентот. Мичоакан има голем проблем со конфликтите меѓу бандите. На почетокот на овој месец тројца земјоделци беа разнесени со бомба.
Тоа се случи само неколку дена откако претседателот Андрес Мануел Лопез Обрадор призна дека импровизирана експлозивна направа убила најмалку четворица војници, во, како што рече, стапицата што веројатно ја поставил картелот Мичоакан. Во февруари двајца кандидати за градоначалник на градот Мараватио беа убиени за неколку часа еден од друг.
Свет
Лојд Остин: Нема да дозволиме Украина да пропадне
Американскиот министер за одбрана, Лојд Остин, на состанокот на контакт-групата за одбрана на Украина изјави дека Вашингтон нема да дозволи Украина да пропадне.
„САД нема да дозволат Украина да пропадне. Оваа коалиција нема да дозволи Украина да пропадне“, рече Остин на почетокот на состанокот на претставниците на 50-те земји, кои обезбедуваат воена помош за Украина, пренесува „Ројтерс“.
Средбата се одржува во американската воена база во Рајмштајн, Германија.