Европа
Вонбрачната ќерка на Алберт Втори ги бара своите права на суд
Вонбрачната ќерка на поранешниот белгиски крал Алберт Втори на суд во Брисел ги бара истите права и титули како и законските деца на нејзиниот татко.
Вонбрачната ќерка на поранешниот крал на Белгија, уметничката Делфин Боел (52), ги побара од судот во Брисел истите права и титули како и законските деца на нејзиниот татко.
Адвокатот на поранешниот белгиски крал рече дека Делфин може да ја добие титулата принцеза само со кралски декрет, а не со судска одлука.
Поранешниот белгиски крал Алберт Втори во јануари годинава призна дека е татко на Делфин Боел, откако повеќе од една деценија го оспоруваше нејзиното барање за признавање на татковство.
Мајката на Делфин, баронесата Сибил де Селис Лончан, тврди дека таа била во врска со Алберт 18 години пред тој да биде прогласен за крал.
Шпекулациите за вонбрачното дете на поранешниот белгиски крал првпат се појавија во 1999 година, во неавторизирана биографија на неговата сопруга, кралицата Паола.
Делфин Боел рече дека кралот Алберт Втори е нејзин биолошки татко во едно интервју во 2005 година. Таа не ги побарала своите права на суд сè до 2013 година, кога нејзиниот татко абдицирал, со што го изгубил правото на имунитет од кривично гонење.
Поранешниот белгиски крал Алберт Втори со одлука на судот одби да направи ДНК-тест за утврдување на татковство, сè додека не беше казнет со 5.000 евра на ден за понатамошно одложување на неговото спроведување.
Во јануари оваа година 86-годишниот поранешен крал на Белгија изјави дека ја признава Делфин Боел како четврто дете, откако, како што тврди, дознал за тоа врз основа на резултатите од ДНК-тестовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.