Свет
Војната во Украина во фокусот на самитот на Г20 во Индонезија
Министрите за надворешни работи на Групата 20 (Г20) денеска доаѓаат на Бали, Индонезија, на разговори во кои ќе доминира конфликтот во Украина.
„Официјалната“ агенда е фокусирана на глобалната соработка и безбедноста на храната и енергијата, пренесува АП.
Состанокот на министрите на 19-те најразвиени земји во светот, заедно со Европската Унија, ќе се одржи утре, а шефот на кинеската дипломатија Ванг Ји и првиот човек на руската дипломатија Сергеј Лавров застанаа во неколку азиски престолнини пред да пристигнат во Индонезија, собирајќи поддршка и зајакнување на нивните врски во регионот пред преговорите.
САД и нивните сојузници се обидуваат да го казнат рускиот претседател Владимир Путин на што е можно повеќе начини за нападот врз Украина, вклучително и заканите дека ќе го бојкотираат самитот на Г-20 на Бали, планиран за ноември, доколку Путин присуствува на истиот.
Затоа, како овогодишен претседавач на Г-20, Индонезија е принудена да игра поконструктивна улога на меѓународната сцена, наместо да дејствува само како „организатор на настани“, наведува АП. Земјата се обидува да остане неутрална во однос на руската инвазија на Украина, а претседателот Јоко Видодо беше првиот азиски лидер што ги посети завојуваните земји.
Украина не е членка на Г-20, но Видодо го покани украинскиот претседател Володимир Зеленски на ноемврискиот самит со Путин, надевајќи се дека тоа ќе ги смири сите страни и ќе спречи какво било нарушување на агендата на форумот. Зеленски најави дека нема да присуствува доколку војната продолжи и реши да ги следи дискусиите преку видео врска.
Видодо, наводно, рекол на маргините на неодамнешниот самит на Групата седум (Г7) во Германија дека ниту Путин нема да дојде, а Москва соопшти дека конечната одлука сè уште не е донесена, според АП.
Тензиите меѓу Вашингтон и Пекинг се исто така високи пред самитот, при што Кина дополнително ја заостри својата реторика со САД и НАТО, само неколку дена пред американскиот државен секретар Ентони Блинкен и кинескиот министер за надворешни работи Ванг Ји да се сретнат на Бали.
Русија и Украина сочинуваат една третина од светскиот извоз на пченица, а само Украина одгледува доволно жито за да нахрани 400 милиони луѓе, додека поради блокадата на Москва, Киев може да извезува само 2 милиони тони месечно, 60 отсто помалку од вообичаеното.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ воведе санкции за 30 руски функционери што се сметаат за одговорни за смртта на Алексеј Навални
Земјите од ЕУ ќе воведат санкции против 30 руски функционери поради смртта на водечкиот критичар на Кремљ, Алексеј Навални, изјави високиот претставник за надворешна политика и безбедност на Европската Унија, Жозеп Борел.
„Се договоривме за санкции за одговорните за убиството на Алексеј Навални“, изјави Жозеп Борел по состанокот на министрите за надворешни работи на ЕУ, пишува „Евроњуз“.
Навални, најистакнатиот руски опозициски лидер, почина во арктичкиот затвор во февруари, каде што беше задржан во тешки услови.
Официјални лица рекоа дека Европската Унија ќе ги следи Соединетите Држави и Велика Британија во наметнувањето забрани за патување и замрзнување на имотот на руските службеници одговорни за третманот на Навални.
Имињата на санкционираните од ЕУ ќе бидат објавени во наредните денови.
Договорот за санкционирање на одговорните за смртта на Навални доаѓа откако рускиот лидер Владимир Путин освои нов шестгодишен мандат на изборите што Западот ги означи како наместени.
Навални стана познат за време на масовните продемократски протести во Русија во 2011-2012 година. На критичарот на Кремљ му беше забрането да се кандидира на претседателските избори во 2018 година поради пресудата за измама што САД и ЕУ ја критикуваа како политички мотивирана.
Свет
Во светот има сè помалку демократија, автократските режими се посилни, покажуваат најновите студии
ОД 2006 година Фондацијата „Бертелсман“ проценува околу 140 земји на секои две години врз основа на тоа дали тие се развиваат кон демократија или автократија. Сегашната студија покажува дека автократиите сега се мнозинство, пишува „Дојче веле“ во анализата.
Според една нова студија, квалитетот на демократијата се влошил во изминатите 20 години во 137 земји, кои може да се опишат како земји во развој или т.н. земји во подем. Според индексот на трансформација на Фондацијата „Бертелсман“, сега имаме 63 демократии наспроти 74 автократии, односно земји во кои нема слободни избори или функционално владеење на правото.
Само во последните две години, обележани со новата геополитичка ситуација, руската агресивна војна против Украина и пандемијата на коронавирусот, изборите во 25 земји беа помалку слободни и фер од порано. Слободата на изразување и слободата на печатот сè повеќе се ограничуваат во 39 земји.
Фондацијата го покани и германскиот канцелар Олаф Шолц на презентацијата на индексот на трансформацијтаа. Со зголемувањето на десничарскиот популизам и во Германија, Шолц рече дека е задоволен што стотици илјади луѓе неодамна излегоа на улиците поради тоа. „Тоа не дојде одозгора или од партиите. Мора да размислуваме за одбрана на демократијата, а тоа не е игра, не се прави на интернет, тоа сме ние. Ние самите мора да ја заштитиме демократијата“, рече тој.
Сабине Донер е една од авторите на студијата. Таа за „Дојче веле“ зборува за ефектот што пандемијата на коронавирусот, со полицискиот час и привременото намалување на граѓанските слободи, го имаше врз демократскиот развој: „Пандемијата беше можност уште повеќе да се ограничат правата и да се концентрира уште поголема моќ на владите. Но, во основа, пандемијата не создаде проблеми што веќе не постоеја“.
Според Фондацијата „Бертелсман“, студијата е најголемото и најсеопфатно истражување од ваков вид. Студијата се заснова на 5.000 страници извештаи за земји, составени од Фондацијата, со помош на 300 експерти, универзитети и тинк-тенкови во речиси 120 земји. Ја испитува состојбата на демократијата, економскиот развој и владините активности. Сите три категории моментно се на историски ниско ниво.
Но, Сабине Донер не сака да очајува и покрај сите негативни извештаи. Таа забележува дека расте свеста во воспоставените демократии дека светот станува сè помалку слободен: „Во последните две-четири години, граѓаните и владите, демократиите, вклучително и кај нас овде во Германија, станаа повнимателни за предизвиците што произлегуваат од автократијата. И овие предизвици се значително посилни отколку пред десет години. Но, мислам дека тоа е наша сопствена вина“, додава таа.
Регион
Тинејџер загина во Будва, со „ситроен“ излетал од патот со двајца патници
Тинејџерот Лазар Ф. (15) загина во неделата во тешка сообраќајна несреќа што се случила во Будва кога автомобилот што го управувал излетал од патот.
Во незгодата се повредени две лица, од кои едното е полнолетно – Ј. М., а другиот е малолетник – М.М.
Повредените веднаш биле префрлени во болницата во Котор.
Во полициското соопштение се наведува дека несреќата се случила во близина на стадионот, кај плажата Јаз, и се додава дека возилото удрило во дрво.
Тинејџерот управувал автомобил „ситроен“ со будвански регистарски таблички.