Европа
Војна против Америка би била неподнослива катастрофа, предупреди кинескиот министер за одбрана
Кинескиот министер за одбрана во своето прво јавно обраќање по преземањето на функцијата, рече дека војната против Америка ќе биде „неподнослива катастрофа“.
Генералот Ли Шангфу на самитот за безбедност рече дека некои земји ја забрзуваат трката на вооружување во Азија.
Тој изјави дека светот е доволно голем и за Кина и за САД и дека двете велесили треба да се обидат да најдат заеднички јазик.
Претходно, Америка ја обвини Кина дека нејзиниот разурнувач извршил небезбедни маневри во близина на брод на американската морнарица во Тајванската Теснина.
Во саботата американската морнарица соопшти дека кинески разурнувач пловел во близина на американски воен брод додека транзитирал низ Тајванската Теснина заедно со канадски бродови.
Кина ги критикува двете земји за „намерно предизвикување ризик“. САД и Канада рекоа дека пловат таму каде што дозволува меѓународното право.
Генералот Ли во говорот рече дека Кина нема да дозволи поморските патроли на САД и нивните сојузници да бидат „изговор за создавање хегемонија во навигацијата“.
Запрашан за инцидентот во Тајванската Теснина, тој рече дека земјите надвор од регионот ги зголемуваат тензиите.
На самитот во Сингапур, американскиот секретар за одбрана, Лојд Остин, ја прекори Кина што одби да одржи воени разговори.
Висок кинески воен функционер, генерал-полковник Јинг Џијанфенг, рече дека нема простор за компромис за Тајван бидејќи ги обвини САД за мешање во регионалните работи.
Одлуката на Вашингтон да го зголеми бројот на ротирачки трупи во регионот може да го зголеми ризикот од конфликт, изјави Џијанфенг за новинарите на маргините на самитот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Фон Дер Лајен: На Европа не и се заканува војна, но треба да бидеме подготвени и да произведуваме оружје
Европа во моментов не се соочува со непосредна закана од војна, но мора да биде подготвена за тоа, изјави претседателката на Европската комисија, Урсула фон дер Лајен.
„Заканата од војна можеби не е непосредна, но не е невозможна. Треба да бидеме подготвени и тоа започнува со итната потреба за зајакнување и трансформирање на вооружените сили на членките на блокот“, рече Фон дер Лајен на Европскиот самит за одбрана и безбедност.
Според неа, ЕУ мора да произведе оружје од новата генерација за да „победи на бојното поле“.
„Европа треба да се стреми да развие и произведе нова генерација на оперативни способности за да победи во битките и да обезбеди доволно материјално количество и технолошка супериорност што можеби ќе и треба во иднина, а тоа значи турбо полнење на нашиот одбранбен индустриски капацитет во следните пет години,“ изјави Фон дер Лајен.
Европа
(Видео) Русите го гранатираа Чернихив, загинаа најмалку 13 лица, Зеленски бара дополнителна помош
Украинскиот претседател Володимир Зеленски ги повика западните партнери на потребната решителност и поддршка по рускиот ракетен напад врз северниот град Чернихив утринава, при што загинаа најмалку 13 лица.
„Ова немаше да дојде до ова доколку Украина добиеше доволно опрема за противвоздушна одбрана и ако беше доволна решеноста на светот да се спротивстави на рускиот тероризам“, објави Зеленски на „Телеграм“.
Министерот за внатрешни работи, Ихор Клименко, во изјава за „Телеграм“ рече дека во нападот загинале најмалку 13 лица, а повеќе од 60 се повредени и дека спасувачките операции се во тек.
Во нападот беа оштетени и четири катни згради, болница, образовна институција и десетици автомобили, додаде тој.
Русија изврши напад со три крстосувачки ракети „Искандер“, изјави регионалниот гувернер Вјачеслав Чаус во коментар за украинскиот јавен сервис „Суспилна“. Тој рече дека три проектили паднале во близина на центарот на градот и дека е оштетена цивилната инфраструктура.
Локалното население е повикано да дарува крв, изјави градоначалникот Олександр Ломако. Чернихив се наоѓа на речиси 150 километри северно од Киев, недалеку од границата со Русија. Кога руските сили ја нападнаа Украина во февруари 2022 година, Чернихив беше нападнат, но не беше преземен.
Европа
Во Германија уапсени 10 лица: за пари набавувале дозволи за престој на странци
Во Германија денеска во полициска акција се уапсени десет лица осомничени дека за големи суми пари набавувале дозволи за престој во Германија за странци од Кина и арапските земји.
„Главни осомничени се двајца адвокати од Келн, а истрагата се води против 38 можни члена на шверцерската банда и против 147 други лица, кои се занимавале со систематски шверц на луѓе“, се вели во соопштението на полициската управа на град веднаш до Келн, кои ја водат операцијата.
Осомничените се обвинети дека донеле странски државјани во Германија и ги набавиле потребните документи за големи суми пари, од 30 до 350 илјади евра. Осомничените основале фиктивни фирми и лажни адреси со кои се регистрирале лица од странство.
Весникот „Билд“ пишува дека меѓу осомничените има и вработени во неколку канцеларии за странци во регионот Рајнланд-Пфалц, кои издавале дозволи за престој за пари. Еден од нив е меѓу уапсените. Како што е соопштено, за време на рацијата била запленета и голема количина пари. Минатата година, со 300.000 бегалци и баратели на азил, Германија забележа значителен пораст на илегалниот влез во земјата.