Свет
Војник на НАТО уапсен во Литванија поради грабеж под дејство на алкохол
НАТО се најде во непријатна ситуација откако мораше да признае дека еден од нивните војници кои служат во Литванија е по истрага за ограбување локален жител под дејство на алкохол минатиот викенд, пренесува РТ.
Инцидентот се случил во неделата околу 4 часот изутрина, откако локален жител, наводно, бил ограбен од петмина мажи кои му одзеле 1.000 евра и два мобилни телефони.
Според локалните медиуми, портпаролот на Одделот за стратегиска комуникација на литванската армија признал дека еден од осомничените во инцидентот е норвешки војник од меѓународниот баталјон на НАТО.
По апсењето, тестот за алкохол во крвта покажал дека осомничениот, кој е на возраст од 20 години, е под сериозно дејство на алкохол. Откако бил испрашан, војникот бил ослободен за да ги продолжи своите редовни должности. Локалната полиција сé уште го истражува инцидентот.
Се чини дека персоналот на НАТО има навика да ѝ отвора работа на полицијата во балтичките земји, пишува РТ. Минатиот месец двајца американски војници во Летонија беа уапсени и казнети со парична казна од 400 долари за непристојно однесување откако уринирале врз Споменикот на слободата во кој им се оддава почест на војниците убиени во латвиската војна за независност.
Минатото лето американските војници се степаа со некои Азербејџанци во литвански бар по која еден Американец завршил во болница.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.