Свет
Во Австралија околу 10.000 камили пред отстрел поради недостиг на вода
Локалните австралиски власти планираат да убијат околу 10.000 камили, бидејќи населението се жали од жедните животни кои влегуваат во нивните населби во очајна потрага по вода.
Абориџинските власти во оддалечените области на северозападниот дел од Јужна Австралија одобрија отстрел на камили, кој треба да започне утре и да трае пет дена, пренесува хрватски „Индекс“, повикувајќи се на информации од Си-ен-ен.
Локалната власт на областа на официјалната фејсбук страница напишала дека екстремно големи групи камили и други диви животни во потрага по вода ги вознемируваат изолираните абориџински заедници.
„Поради многу сувото време, големи групи камили им се закануваат на заедниците и на инфраструктурата и е потребна нивна контрола“, се објаснува во известувањето. Според порталот на австралиската телевизија „7 њуз“, за време на ловот може да бидат убиени дури 10.000 камили.
Како и во поголемиот дел од земјата, во Јужна Австралија со недели траат екстремно високите температури. Иако оваа сојузна австралиската држава не е толку погодена од пожарите како соседниот Нов Јужен Велс, многу диви животни угинаа и на нејзина територија за време на огнените стихии, пренесува Си-ен-ен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Големи експлозии во база на проиранската милиција во Ирак
Проиранската милиција ПМФ (Сили за народна мобилизација) објави дека во текот на ноќта се случила голема експлозија во нивната воена база Калсо на околу 50 километри јужно од Багдад, Ирак, а два безбедносни извори тврдат дека станува збор за воздушен напад, пренесува Ројтерс.
Еден војник на ПМФ е убиен, а шестмина се ранети, соопштија два извори од болницата во блискиот град Хила.
Од експлозијата е причинета материјална штета, а има и повредени“, се вели во соопштението на ПМФ и се додава дека истрагата е во тек.
Два безбедносни извори изјавија дека се уште не знаат кој е одговорен за воздушниот напад. Американски официјален претставник изјави дека немало американска воена активност во Ирак.
Израел вчера изврши напад на иранска територија, неколку дена откако Иран го нападна Израел со беспилотни летала и проектили кои главно беа пресретнати и уништени.
Фракциите во рамките на ПМФ учествуваа во неколкумесечни ракетни и беспилотни напади врз американските сили во Ирак среде кампањата на Израел во Газа, но ги прекинаа нападите од почетокот на февруари.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.