Свет
Во вторник ќе ги објавиме деталите за смртта на Кашоги, најави Ердоган
Турскиот претседател, Реџеп Тајип Ердоган изјави дека во вторник ќе објави детали за истрагата за смртта на саудскиот новинар, Џамал Кашоги во конзулатот на Саудиска Арабија во Истанбул.
Во обраќање кон пратениците во Истанбул, Ердоган рече дека Турција бара правда и дека за случајот детално ќе говорат членовите на владејачката партија во парламентот, пренесе „Асошиејтед прес“.
Саудиска Арабија вчера соопшти дека Кашоги починал по тепачка во Конзулатот и дека поради тоа се уапсени 18 лица, но не ги призна тврдењата на Анкара дека новинарот бил мачен, убиен и распарчен, а неговото тело скриено. Ријад не ги признава ни наводите на провладините медиуми во Турција дека група од 15 лица биле испратени од Саудиска Арабија во Истанбул за да го убијат Кашоги.
Новинарот последен пат беше виден на 2 октомври како влегува во саудискиот конзулат по документи за венчавка. Бројни земји и меѓународни организации се сомневаат во веродостојноста на тврдењата на Ријад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.