Свет
Во Германија забранета евтаназијата за невакцинираните
Во Германија евтаназијата е забранета за невакцинирани лица без потврда.
Евтаназијата и подготвителниот преглед на клиентите кои сакаат доброволно да умрат бараат човечка блискост, објаснуваат од клиниката.
Германското здружение за евтаназија објави дека клиентите мора да се вакцинираат против коронавирус пред да можат да се подложат на асистирано самоубиство.
Здружението најави дека идните клиенти ќе мора да ги почитуваат правилата за 2G во земјава, каде што клиниката може да им забрани влез во просториите на оние кои, меѓу другото, не биле вакцинирани.
Од клиниката велат дека евтаназијата и подготвителните прегледи бараат „човечка близина“, што значи дека според германските закони, сите вклучени во процесот мора да ги почитуваат правилата 2G, пренесува „Дејли мејл“.
„ Евтаназијата и подготвителниот преглед на нашите членови кои сакаат доброволно да умрат на сопствен ризик бара човечка блискост“, се вели во соопштението на здружението.
„Меѓутоа, човечката близина е ‘плодна почва’ за пренос на коронавирус. Од денес, нашето здружение го применува правилото 2G, дополнето со мерки поврзани со ситуацијата, како што се брзи тестови пред состаноци во затворен простор“.
Објаснуваат и дека одлуката се заснова на тешката задача да се балансира заштитата на нашите членови, вработени и лекари со практичната организација на нашиот секојдневен живот во здружението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.