Свет
Во гранатирањето на Харков загина 96-годишник кој го преживеал холокаустот
Борис Романченко (96), кој го преживеа холокаустот во Втората светска војна, почина минатата недела кога граната го погоди неговиот стан во воениот украински град Харков.
Романченко го преживеал концентрациониот логор Бухенвалд, како и логорите Дора-Мителбау и Берген-Белзен, пренесува Ројтерс.
„Со ужас ја објавуваме насилната смрт на Борис Романченко во војната во Украина“, соопштија од меморијалниот центар за преживеаните од логорот Бухенвалд.
Се додава дека на мета била катната зграда во која живеел Романченко и дека била зафатена од пожарот.
Харков, вториот по големина украински град, е под силен оган од руската армија повеќе од три недели.
Романченко е роден во 1926 година во Бондари, недалеку од градот Суми.
Як ми дізналися від його близьких, наш друг Борис Романченко, який пережив нацистські табори #Buchenwald, #Peenemünde, #Dora і #BergenBelsen, загинув минулої п'ятниці в результаті вибуху бомби в своєму будинку в Харкові. Ми глибоко засмучений. pic.twitter.com/AmFbSwP9vf
— Stift. Gedenkstätten Buchenwald und Mittelbau-Dora (@Buchenwald_Dora) March 21, 2022
Во 1942 година бил депортиран во Дортмунд, каде што бил принуден да работи. По неуспешниот обид за бегство, тој бил испратен во логорот Бухенвалд во 1943 година, каде што биле убиени повеќе од 53.000 луѓе за време на Втората светска војна.
„Ужасната смрт на Борис Романченко покажува колку е заканувачка војната во Украина за оние кои ги преживеаја концентрационите логори“, се вели во соопштението на Меморијалниот центар Бухенвалд.
Се додава дека Романченко со години бил потпретседател на Меѓународниот комитет на Бухенвалд-Дора, посветувајќи се на документирање на нацистичките злосторства.
Неговата смрт ја осудија и министерствата за надворешни работи и одбрана на Украина.
„Путин успеа да го „постигне“ она што ни Хитлер не можеше“, напиша Министерството за одбрана на Твитер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.