Свет
Во Калифорнија прогласена вонредна состојба поради коронавирусот
Ширењето на коронавирусот надвор од Кина и натаму е светска тема број еден. Според најновите информации во Калифорнија е прогласена вонредна состојба.
Гувернерот на Калифорнија, Гавин Њусом прогласи вонредна состојба поради вирусот во оваа држава, која сега има 53 потврдени случаи. Тој ја даде наредбата за вонредна состојба вчера, кога властите ја објавија правата жртва во Калифорнија од овој вирус.
Во прашање е лице со здравствени проблеми, што е прв смртен случај од коронавирусот во САД надвор од Вашингтон, каде почонаа десет луѓе. Нови заболени се регистрирани и во двата најголеми американски градови, Њујорк и Лос Анџелес.
Во Словенија е регистриран прв случај на заболен од коронавирусот, соопшти словенечкото Министерство за здравство. Како што се наведува, лицето допатувало од Мароко преку Италија и е сместено во болница. Досега во Словенија на коронавирус се тестирани 352 лица, а ниту едно не било позитивно на вирусот.
Првите два случаи на зараза се потврдени и во Унгарија, а премиерот Виктор Орбан рече дека станува збор за двајца ирански студенти кои студираат во Унгарија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.