Свет
Во Кина 55 нови случаи на коронавирус, од кои 54 се увезени
Кинеските власти соопштија денес дека се пријавени 55 нови случаи на коронавирус, но 54 се увезени, односно станува збор за луѓе кои пристигнале од странство.
Во Вухан, каде во декември лани првпат се појави вирусот, нема нови случаи.
Бројот на заболени во Кина е 81.340, а бројот на смртни случаи 3.292. Излекувани се 74.588 лица.
Кина не регистрира речиси ниеден локален пренос на коронавирус изминатата недела, но бројот на увезени случаи се зголемува. Поради тоа земјата им забрани влез на повеќето странци. Оние со дипломатски и деловни визи нема да бидат засегнати од забраната, а странските државјани што пристигнуваат во Кина за економски, трговски, научни или технолошки активности, сепак ќе може да аплицираат за виза.
Мерките се спротивни на претходната позиција на Кина во поглед на затворање на границите. Пред неколку недели Пекинг ги обвини земјите кои забранија влез за патници од Кина.
Светската здравствена организација (СЗО) советуваше да не се воведуваат ограничувања за патувања во моментот на појавата на коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.