Свет
Во напад на воена база на Мали загинаа 11 војници
Неколку вооружени лица во неделата нападнаа воена база во западноцентралниот дел на Мали убивајќи 11 војници, објави армијата.
Досега ниту една група не презеде одговорност за нападот. Централниот дел на Мали во последните неколку години е цел на нападите на џихадистички групи поврзани со Ал каеда.
Неидентификуваните напаѓачи ја нападнале базата во областа Гуир околу 5 часот наутро по локално време кога до неа пристапиле со конвој од 11 возила, изјави локален политичар.
Тој истакна дека напаѓачите го запалиле воениот камп и украле дел од оружјето и опремата.
Министерството за одбрана го потврди нападот во својата изјава додавајќи дека 11 војници биле убиени, а неколку други биле повредени.
Во март терористичка група поврзана со Ал каеда презеде одговорност за сличен напад на воена база во централниот регион Мопти, во кој загинаа 16 војници.
Зголеменото насилство во земјата доведе до минатонеделната оставка на целата влада на Мали. Властите беа остро критикувани поради неможността да се справат со милитантите кога во март беа масакрирани 157 селани.
Мали и Буркина Фасо забележуваат зголемен број напади од страна на исламистички групи што имаат цел да го прошират своето влијание во областа Сахел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.