Свет
Во нередите во САД убиен пензиониран полицаец кој се обидел да спречи грабеж
Дејвид Хорн, 77-годишен пензиониран полицаец, бил застрелан и убиен во немири во Сент Луис, пишува Си-ен-ен.
Тој бил убиен за време на грабеж на заложувалница, соопшти полицијата. Откако го слушнал алармот, Хорн излегол на терен и се обидел да го спречи грабежот.
Тој има пет деца и десет внуци.
Бил убиен во ноќта од вторник кон среда во 2:30 часот по полноќ, по локално време.
„Во текот на ноќта уапсивме 25 лица. Повеќе од 50 продавници и објекти се уништени и ограбени“, рече началникот на полицијата во Сент Луис, Џон Хајден.
Синот на Дејвид рeкол дека негова страст била да им помага и да ги советува младите луѓе и дека веројатно би им простил на оние што стојат зад неговото убиство.
„Мојата порака до оној што го застрела е едноставна – престани со тоа што го правиш. Дали знаеш која е вистинската причина поради која протестираш? Мораме да протестираме на позитивен начин, не треба да се дивее и краде“, порачал тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.