Свет
Во Русија шестмина заразени со коронавирус, Путин воведе нови мерки
Додека во целиот свет се обидуваат да го спречат хаосот од натамошно ширење на коронавирусот, Русија го нема тој проблем затоа што навреме реагираше. Поминаа повеќе од два месеца од избувнувањето на заразата во Кина, а во оваа голема земја има само шестмина заболени.
Многумина се фасцинирани од фактот дека толку голема земја успеа толку добро да го спречи ширењето на инфекцијата. Како што пишуваше „Телеграф.рс“ претходно, од самиот почеток руските власти дејствуваа сериозно и веднаш ги ставија сомнителните лица во карантин, ги забранија летовите и ги затворија границите за оние од загрозените области.
И сега, додека властите околу нив вршат притисок за да го спречат натамошното ширење на опасниот вирус, Русија само дополнително ги заострува контролите за да ги спречи непредвидените ситуации.
Најновата мерка е да се измери температурата на сите патници во московското метро. Во случај некој од патниците да биде сомнителен, вработените во метро-станиците веднаш повикуваат брза помош. Покрај тоа, од час на час се врши детаљна дезинфекција на ескалаторите, држачите и на платформите.
Исто така, донесена е одлука секојдневно да им се мери температурата на децата во градинките, како и на учениците и студентите.
На работодавците им е дадена препорака да вршат контрола над своите вработени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.