Свет
Во Турција неутрализирани 1 451 ПКК-терорист за една година
Безбедносните сили на Турција „неутрализираа“ 1 451 ПКК-терорист за една година, соопшти турското МВР.
Терминот „неутрализирани“ во своите изјави го користат за да појаснат дека терористите се предале, биле заробени или убиени.
„Во последната година, вкупно 1 451 член на ПКК, 40 члена на левичарската терористичка организација беа неутрализирани, додека 336 члена на Даеш се во притвор“, соопшти министерот за внатрешни работи, Сулејман Сојлу.
Сојлу додаде дека за истиот период 91 297 операции биле извршени против ПКК, 38 725 против терористичката организација на Фетула Гулен (ФЕТО), 2 483 против Даеш и 655 против левичарските терористички групи.
Групата ПКК, која е прогласена за терористичка организација од Турција, ЕУ и САД, веќе 30 години води терористичка кампања против Турција и е одговорна за смртта на повеќе од 40 000 лица, вклучувајќи жени и деца.
ФЕТО на чело со својот лидер Фетулах Ѓулен стојат зад неуспешниот пуч на 15 јули 2016 година, во кој загинаа 251 лице, а најмалку 2 200 беа повредени.
Анкара тврди дека ФЕТО исто така стои зад долгогодишната кампања што се инфилтрира во турските институции, особено во војската, полицијата и судот, со цел да го урниса државниот врв.
Сојлу исто така говореше и за борбата на Турција против шверцот на наркотици и зависноста од дрога. Министерот додаде дека бројот на зависници кои починале од дрога како директна последица се искачила на 941 во 2017 година во споредба со 2013 година кога бројот на смртни случаи изнесувал 232.
Во првите осум месеци во 2018 година бројот на смртни случаи предизвикани од наркотици изнесува 149.
Сојлу посочи дека во периодот од една година, Турција запленила 18,7 тони хероин, 88,2 тони марихуана, а уапсила 21 947 лица осомничени за шверц и трговија со наркотични супстанци.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.